1 Timoti 6:9 - Di Jamiekan Nyuu Testiment

⁹ Bot di piipl dem we waahn fi rich, di devl chrik dem an mek dem du aal kain-a wikid sitn. Im kech dem wid di fuul-fuul sitn dem we dem waahn an we no gud fi dem. Dem kyaahn si se di sitn dem we dem waahn a-go mash dem op an singk dem.

1 Timoti 6:9 ပူးပေါင်းရင်းမြစ်များ

Matyu 13:22

Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Matyu 19:22

Bot wen di yong man ier dis ya, im aat jrap an im go we sad, kaa im did wel rich.

Matyu 26:15

Ier im tu dem no, “Wa unu wi gi mi, ef mi elp unu ares Jiizas?” So dem kount out toti silva kain an se a dat im wi get.

Matyu 6:19

“No bada gyada op chrezha fi unuself, we de ya-so pan ort. Yu si ya-so, worm an dem sitn de wi kom nyam nyam op unu sitn dem, an dem wi get rosti an mash op. Plos tiif de ya, an dem wi kom brok iin an tek we unu sitn dem.

Maak 4:19

bot chuu dem a fret bout laif, chuu aal dem kyaahn tingk bout a ou fi mek moni an get rich, an chuu dem waahn muo an muo tingz, dem sitn de blak Gad wod, so it no du notn difrant iina dem laif.

Luuk 12:21

“Dis a wa apm tu enibadi we siev op fi demself di sitn dem we de pan ort bot no rich iina di sitn dem we Gad kier bout.”

Luuk 21:35

It a-go kom pan aal we a liv pan di ort.

Aks 8:20

Piita se, “Mi uop se yu an yu moni go a el kaaz yu tingk se yu kuda bai di Uoli Spirit wa Gad gi piipl!

Ifiijan 4:22

Unu lorn se unu fi don we wid di uol laif we unu yuus tu liv an aal a di woklis sitn dem unu yuus tu du, wen unu neva did a fala Jiizas. Dem taim de, unu did lov di wikid sitn dem we onggl did a mash op unu laif.

1 Timoti 1:9

Wi andastan se di Laa neva mek fi gud piipl bot fi piipl we a kriminal an di wan dem we wudn fiil no wie ef dem brok di Laa. It mek fi piipl we no worship di chuu Gad an di sina dem, fi di wan we no fala no kain-a gad an di wan dem we kos Gad. Di Laa mek fi di mordara dem — aal di wan dem we wuda kil dem uona mada an faada.

1 Timoti 3:7

A no jos piipl we biliiv iina Jiizas wan, bot aal piipl we no biliiv iina Jiizas mos taak gud bout im. Kaaz ef piipl rispek im nobadi kyaahn se notn wikid bout im an di devl naa go kyan chrap im.

1 Timoti 6:10

Kaaz di lov fi moni a di ruut fi aal kain-a wikidnis. Som piipl waahn moni so bad dat dem ton dem bak pan Gad an bring dong nof kraasiz pan demself.

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

2 Timoti 2:26

An dem mait-a get sens an si se di devl chrap dem an kyan get outa it. Di devl did chrap dem so im kuda yuuz dem fi du im wok.

Taitos 2:12

Di gud we im du fi wi, tiich wi ou fi ton we fram wikidnis an fi no lov di sitn dem we di worliyan dem waahn.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

Juud 1:11

Tingz gweehn torbl fi dem man ya! Dem tan jos laik Kien we morda im breda. Dem komiin laik Bielam — dem wi du eniting fi get moni. Dem go gens Gad jos laik ou Kuora did go gens Muoziz. Gad gweehn mash dem dong siem laik ou im did mash dong Kuora.