1 Timoti 6:6 - Di Jamiekan Nyuu Testiment

⁶ Yu laif wi ful op a gud sitn wen yu staat liv ou Gad waahn yu fi liv, bot onggl ef yu api wid wa yu av.

1 Timoti 6:6 ပူးပေါင်းရင်းမြစ်များ

Iibruu 13:5

Unu no fi lov moni. Unu fi satisfai wid wat-eva unu av, kaaz Gad se, “Mi naa go lef unu non at aal. Nuo mi naa lef unu fi fen fi unuself.”

1 Timoti 6:8

So den, ef wi av fuud fi iit an kluoz fi wier, wi fi api wid dat.

1 Timoti 4:8

Kaaz jos laik ou wi eksasaiz an chrien wi badi so it wi chrang, wi afi eksasaiz an chrien wi aat fi fala Gad. Kaaz wen wi chrien wi aat fi fala Gad wi no jos get chrang bot Gad kaaz wi fi liv nou an fi eva an eva.

Filipiyan 1:21

Ou mi si it, a Jiizas Krais mi a liv fa. An ef mi ded, it wuda onggl ton out beta fi mi.

Ruoman 8:28

Wi nuo se aal di piipl we lov Gad an we Gad kaal fi tek paat iina im plan, wi nuo se Gad wok wid dem fi mek shuor se no mata wa apm, evriting wok out fi fi dem gud.

Luuk 3:14

Den som suoja aks Jan, “So wa bout wi, wa wi fi du?” Jan ansa, “No bad op piipl an tek we dem moni ar tel lai pan dem fi get it niida. Unu fi satisfai wid di pie we unu get.”

2 Korintiyan 4:17

Di likl chobl an di sofarieshan we wi a go chuu nou, naa go laas fi eva an dem a no notn wen yu tingk bout di nais nais sitn dem we Gad a-go gi wi, wen wi riich a evn.

Luuk 12:15

Den im tel dem se, “Wach out! Unu fi gyaad gens aal kain-a red yai, kaaz laif no jos bout umoch sitn wi uon.”