1 Timoti 6:4 - Di Jamiekan Nyuu Testiment

⁴ im ful-a imself an no nuo ar andastan notn. Im lov fi kwaril an fait wid ada piipl uova wa som wod miin. Im kaaz piipl fi waar an kos wid dem wan aneda an fi red yai fi dem wan aneda sitn dem.

1 Timoti 6:4 ပူးပေါင်းရင်းမြစ်များ

Aks 15:2

Paal an Baanabas aagyu chrang chrang gens wa dem man de did a tiich, an tan op tu dem an mek dem nuo se dem rang. So di choch pik Paal an Baanabas, an som ada biliiva fi go wid dem a Jeruusilem fi go taak tu di apasl an elda dem bout di mata.

Aks 18:15

Bot sins unu a aagyu bout wod, an niem an fi unu Laa, unu diil wid dat unuself. Mi naa go joj dem sitn de.”

Aks 8:9

Nou yu did av wan man iina di toun niem Saiman. Fi wan lang taim im did a wok uobiya an di piipl dem kudn biliiv som a di powaful sitn dem we im wuda du. An im yuus tu kliem se im a wan big impuotant sumadi.

Ruoman 12:16

Liv gud wid unu wan aneda. No get ful-a unuself an fiil laik se unu kyaahn du sortn wok ar taak tu sortn an sortn piipl. Insted-a dat ombl unuself.

Ruoman 13:13

So mek wi liv ou wi nuo wi fi liv, mek wi liv laik piipl we iina di lait, no laik piipl we iina di daak. Wi no fi tek paat iina no wail seks paati an wi no fi jringk til wi jongk. Wi no fi a sliip roun sliip roun ar a tek paat iina no kain-a seks sin. Unu no fi lov fait an unu no fi red yai fi ada piipl tingz.

Ruoman 14:1

Di breda an sista dem we no chrang iina wa dem biliiv, unu mos tek dem iin an mek dem fiil welkom. No aagyu wid dem bout wa dem fiil rait fi du ar rang fi du.

Ruoman 2:8

Bot yu av som ada piipl we onggl bizniz bout demself — dem no du notn fi elp ada piipl. Dem mek op dem main se dem naa du wa rait — dem onggl a-go du we Gad se rang. Dem piipl de Gad a-go shuo dem se im beks wid dem, im a-go ponish dem aad aad.

1 Korintiyan 11:16

Bot ef enibadi tingk se mi rang wen mi se dem tingz ya, a wan ting mi av fi se tu unu — mi an di res a Gad choch no tingk se eniting els rait.

1 Korintiyan 11:18

Fos ting fos, mi ier se wen unu gyada tugeda fi av choch unu plit op iina gruup an aagyu wid unu wan aneda. A dat piipl a tel mi an mi biliiv se som a wa dem a se a chuu sopm.

1 Korintiyan 3:18

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.

1 Korintiyan 3:3

Unu stil a mek di sitn dem we unu badi waahn kanchuol unu. Ef unu eva a kos unu wan aneda, an ef unu eva red yai an waahn waahn unu wan aneda sitn dem, unu no tingk se unu a mek unu badi kanchuol unu? Unu no tingk se unu a gwaan laik di piipl dem we no nuo Gad?

2 Korintiyan 11:20

Unu put op wid piipl wen dem kom an chrai tek unu an ton unu iina sliev. Unu put op wid dem wen dem yuuz unu, unu put op wid dem wen dem tek advaantij a unu. Wen dem put unu dong an gwaan laik dem beta dan unu, wen dem baks unu iina unu fies, unu put op wid dem.

Gyalieshan 5:15

Bot ef unu kip aan a bait an chaa op chaa op unu wan aneda laik unu a wail animal, unu beta wach out, kaaz unu a-go mash op unu wan aneda.

Gyalieshan 5:26

Mek wi no get ful-a wiself an tingk se wi beta dan ada piipl. Mek wi no provuok wan aneda an mek wi no red yai fi wan aneda sitn dem.

Gyalieshan 6:3

Kaaz ef sumadi tingk se dem big an impuotant bot dem a nobadi, dem onggl a fuul demself.

Filipiyan 1:15

Som a dem we a priich Gad mesij bad main fi riil an dem a luk waar wid wi. Bot som riili a priich Gad mesij outa wan gud aat.

Filipiyan 2:14

Du we unu afi du an no bada grombl grombl an aagyu bout wa unu fi du.

Filipiyan 2:3

So no du notn jos so unu kyan get wa unu waahn. An no shuo aaf fi chrai mek piipl tingk unu impuotant ar beta dan nobadi. Wa unu fi du a ombl unuself an chriit wan aneda beta dan ou unu wuda chriit unuself.

Koloshan 2:18

No fala nobadi we waahn mek unu fiil bad kaaz dem se unu no worship Gad ou unu fi worship im. Dem gwaan an gwaan bout ou unu fi ombl unuself, an bout ou unu fi worship ienjel. No lisn dem. Dem dis a chat a galang bout wa dem kliem se dem si iina vijan. Bot dem a buos an dem no av notn fi buos bout siek-a dem worliyan main.

2 Tesaluoniyan 2:4

Im a-go fait gens eniting an enibadi we piipl kaal gad, an eniting we dem worship. An im a-go put imself aiya dan dem. Im a-go aal tek siit iina Gad ous an kliem se im a Gad.

1 Timoti 1:4

Dem no fi wies dem taim niida pan mek op tuori we no mek no sens at aal, an dem no fi bada wid uu a uufa jinarieshan. Dem de sitn de onggl kaaz piipl fi kwaril-kwaril wid dem wan aneda insted-a chos iina Gad plan fi siev piipl.

1 Timoti 1:7

Dem waahn fi tiich Gad Laa, bot dem no andastan we dem a se moch les di sitn dem we dem a taak bout, iivn duo dem tingk se dem nuo.

1 Timoti 3:6

Di elda no fi bi sumadi we jos staat biliiv iina Jiizas Krais ar im wi get buosi. Kaaz ef im get buosi Gad wi ponish im laik ou im di ponish di devl.

2 Timoti 2:14

No mek nobadi figet dem sitn ya. Waan dem iina Gad niem fi tap fait uova wa som wod miin. Dem sitn de no elp nobadi. It onggl mash op di piipl dem we ier it.

2 Timoti 2:23

No av notn fi du wid no fuul-fuul ar chupid aagiment an no bada kos-kos wid nobadi uova Gad wod, kaaz yu nuo se dem sitn de onggl kaaz piipl fi fait.

2 Timoti 3:4

Dem a-go ton chrieta an dem a-go du bie kielis sitn. Piipl iina di laas die dem a-go gwaan laik dem beta dan evribadi els. Insted-a lov Gad dem a-go lov fi du di sitn dem we dem tingk a fon, iivn ef Gad se dem no fi du dem.

Taitos 3:9

No fait wid nobadi uova no fuul-fuul taak ar mek op tuori. An no bada kos-kos wid nobadi uova uu a uufa jinarieshan ar bout di laa. Stie faar fram dem sitn de kaaz dem no wot notn an dem kyaahn elp nobadi.

Jiemz 1:19

Mi breda an sista, ier wa mi a se, unu mos kwik fi ier an sluo fi taak ar get beks.

2 Piita 2:12

Bot dem ya faalz tiicha ya, dem redi fi chat gens, an a kos out tingz we dem no andastan. Dem no iivn tap an tingk — dem dis a gwaan laik wail animal we baan fi piipl kech an kil. An a siem so Gad a-go kot dem dong!

2 Piita 2:18

Dem mek big chat we no wot notn an chrai fi jraa we di piipl dem we jos bieli ton we fram di piipl dem we naa liv rait. Kaaz dem piipl ya bieli muuv we fram dem sitn de, an wi stil wel waahn av seks iivn duo dem no marid an dabl-dabl iina aal kain-a sin, di faalz tiicha dem yuuz dis an jraa dem we.

Juud 1:10

Bot dem ya piipl ya se som torbl torbl sitn bout we dem no andastan. Dem a gwaan laik wail animal wa kyaahn tingk out notn. An di sitn dem we dem du andastan widout afi tingk bout dem, a dem sitn de mash dem op.

Juud 1:16

Dem piipl de no du notn bot grombl an paint fingga pan ada piipl; eniting we dem wikid aat tel dem fi du — a dat dem du. Dem buos bout demself an swiit-taak piipl so dem kyan yuuz dem fi di rang riizn.

Revilieshan 3:17

Unu se, ‘Mi rich; mi av uol iip a moni an evriting mi waahn.’ Bot yu no si ou yu mash op an tan bad, an pap dong laik oul shuuz bak, an puor, an blain an na'av aan no kluoz?