1 Timoti 6:13 - Di Jamiekan Nyuu Testiment

¹³ Infronta Gad we gi evriting laif an Jiizas Krais we tan op tu Ponchos Pailat an se wa im biliiv, mi a tel yu

1 Timoti 6:13 ပူးပေါင်းရင်းမြစ်များ

Matyu 27:11

Nou Jiizas tan op infronta di govana, an di govana aks im se, “Yu a di Juu dem king?” Jiizas se, “A yu se so.”

1 Timoti 5:21

Gad, Jiizas Krais an di uol a di ienjel dem we Gad pik a mi witnis, du wa mi tel yu fi du. Du it an mek shuor se yu chriit evribadi di siem wie. No av no fievrit.

Revilieshan 3:14

An den im se, “Rait da leta ya go gi di liida fi di choch we iina Leyodiisiya an tel im se: Da mesij ya a kom fram di wan we niem di Iemen, di wan we aalwiez shuo wi di chuut bout Gad, an a im Gad yuuz fi mek evriting.

Revilieshan 1:5

An mi prie se Jiizas Krais, di wan we aalwiez taak di chuut bout Gad, wi gud an kain tu unu an gi unu piis iina unu aat. Im a di fos wan fi ded an kom bak alaiv, an a im ruul uova aal a di king dem we de pan ort. Jiizas a di wan we lov wi an a im frii wi fram wi sin dem wid im blod wen im ded pan di kraas.

Jan 5:21

Kaa, siem wie laka ou di Faada mek ded piipl kom bak alaiv, a siem wie so di Bwai Pikni gi laif tu enibadi im waahn gi'it tu.

Revilieshan 22:1

Den di ienjel shuo mi di riva wid di waata we gi laif. Di waata did a kom fram Gad an di Biebi Shiip chuon. Di waata did so klier it luk laik kristal.

Revilieshan 21:6

Im se tu mi se, “Evriting don nou. Mi a di fos an mi a di laas. Evriting staat wid mi an evriting don wid mi. Aal uufa chuot jrai, mi a-go gi dem waata fi jringk — waata fram di spring we gi laif, an mi a-go gi dem it frii.

1 Timoti 6:12

Yu chos iina Gad so yu a-go av nof tingz we yu a-go afi chogl chuu. Gwaan tan op chrang an priich Gad wod. Ef yu du dis yu kyan nuo fi shuor se yu a-go liv fi eva. Kaaz dat a di pramis we Gad gi yu wen yu did se dat yu biliiv iina im infronta evribadi.

1 Timoti 2:5

Kaaz a onggl wan Gad de bout, an Jiizas Krais a di migl man, di onggl wan we kyan bring Gad an piipl tugeda.

Aks 17:25

An im no niid nobadi fi du notn fi'im, laik se im niid notn fram dem, kaaz a im gi evribadi laif an aal di sitn dem we dem niid.

Jan 19:11

Jiizas ansa im an se, “Yu wudn av no powa uova mi ef Gad neehn gi yu it. So den di sumadi we kyari mi kom gi yu du wan wosa sin dan yu.”

Jan 14:6

Jiizas ansa im an se, “Mi a di wie, mi a di chuut, mi a di wan we mek piipl kyan liv. Nobadi kyaahn go tu di Faada ef dem no go chuu mi.

Jan 5:26

Kaa di Faada av di powa fi mek piipl liv, an im gi di Bwai Pikni di powa so dat im kyan mek piipl liv tu.

Matyu 27:2

Dem tai im op, kyari im go we an an im uova gi Pailat, di govana.

2 Korintiyan 9:13

Siek-a wa unu a du, dem wi priez Gad kaaz unu biliiv an fala di Gud Nyuuz bout Krais Jiizas an kaaz unu shier wa unu av wid dem an ada piipl tu.

Gyalieshan 3:26

Nou aal a unu a Gad pikni kaaz unu biliiv an chos iina Jiizas Krais.

1 Timoti 1:12

Mi afi tangk wi Laad Jiizas Krais di wan we gi mi chrent kaaz im chos mi fi bi im apasl.

1 Timoti 1:15

Nou lisn mi gud kaaz wa mi bout fi tel yu a no no lai bot a chuu sopm we di uol a wi fi tek an biliiv: Jiizas kom iina di worl fi siev sina. Luk pan mi, mi a did di wos kain-a sina an Gad siev mi.