1 Timoti 6:11 - Di Jamiekan Nyuu Testiment

¹¹ Bot aal laik yu Timoti we a wan man a Gad, yu fi ron fram dem wikid sitn de. Yu fi chrai yu bes fi liv ou Gad waahn yu fi liv an fi liv di sitn dem we yu tiich. Yu mos gwaan tiich di Wod an chos se Gad wi gi yu chrent. No gi op, shuo lov an tek yu taim wid piipl tu.

1 Timoti 6:11 ပူးပေါင်းရင်းမြစ်များ

2 Timoti 2:22

So ron we fram di wikid sitn dem we di yong piipl dem waahn fi du an chrai aad aad fi du we rait. Yu mos liv ou Gad waahn yu fi liv an yu fi shuo lov an tek taim wid ada piipl. Chos iina Jiizas an no gi op. Timoti dis a wa yu fi du. An aal a di piipl dem we worship Gad wid wan kliin aat fi du it tu.

2 Timoti 3:17

Gad wod wi mek im sorvant dem redi an wi mek dem kyan du aal kain-a gud sitn.

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

Iibruu 12:14

Chrai aad fi liv iina piis wid evribadi, an chrai fi no dabl-dabl iina sin bot tan gud an kliin kaaz nobadi naa get fi si Gad ef dem no gud an kliin.

1 Korintiyan 10:14

So mi gud gud fren, no worship no faalz Gad — ron we fram dem sitn de.

1 Piita 3:11

Dem fi ton we fram wikidnis an du di gud sitn dem. An dem fi chrai aad fi liv iina piis wid dem wan aneda.

1 Korintiyan 6:18

Unu fi ron we fram aal kain-a seks sin. Di res a sin dem we piipl du apm outsaida di badi — it naa du dem badi notn. Bot di piipl we tek paat iina aal kain-a seks sin a mash op dem badi.

1 Timoti 5:10

Ef shi a-go go pan di lis, piipl mos nuo ar fi di gud sitn dem we shi du. Dem mos nuo ar kaaz shi bring op ar pikni dem gud, aalwiez uopm op ar yaad tu piipl an shi wash di fut a di biliiva dem. Dem mos nuo ar kaaz shi elp enibadi we niid elp an kaaz shi du aal kain-a gud sitn.

1 Korintiyan 14:1

So muo dan eniting els, unu fi waahn fi lov ada piipl, bot unu fi wel waahn di gif dem we di Uoli Spirit gi tu. An di gif we unu fi waahn di muos a di wan we lou unu fi kyari mesij chriet fram Gad.

Ruoman 14:19

So den mek wi aalwiez chrai fi du di sitn dem we kaaz piipl fi liv iina piis an we wi elp fi bil op wi wan aneda.

1 Timoti 6:20

So Timoti, gyaad di sitn dem we Gad gi yu fi tek kier a. Mek shuor yu kip dem sief. Stie faar fram taak we no av notn fi du wid Gad. No lisn tu di fuulinish wa som piipl taak chuu dem tingk dem waiz. Dem waahn fi kaal we dem a se nalij bot a no nalij dat.

1 Timoti 1:14

Jiizas Krais wi Laad did shuo mi lov iivn duo mi neva dizorv it at aal at aal. Im kaaz mi fi biliiv iina im an fi lov piipl.

2 Timoti 2:21

A siem wie it go wid piipl. Ef enibadi wi kliin op demself an ton fram aal we wikid, im wi komiin laik wan a di speshal boul dem. An Gad wi kyan yuuz im fi du speshal tingz. Im wi redi fi du aal kain-a gud sopm.

2 Timoti 3:10

Bot yu Timoti, yu fala wa mi tiich an yu fi liv yu laif laik ou mi liv fi mi laif. Yu nuo wa mi waahn fi du an wa mi biliiv iina. Yu si ou mi lov piipl an ou mi put op wid chobl an neva tap no mata wa.