1 Timoti 6:1 - Di Jamiekan Nyuu Testiment

¹ Aal uu a sliev, mos nuo se dem maasta fi get rispek so nobadi kyan taak bad bout Gad ar bout wa wi tiich.

1 Timoti 6:1 ပူးပေါင်းရင်းမြစ်များ

Matyu 11:30

Kaaz di sitn dem we mi a tel unu fi du, dem iizi an di luod we mi de gi unu — lait.”

Matyu 11:9

So a wa unu go out de fi si? Wan prafit? Ye, mi a tel unu, an im a muo dan wan prafit tu.

Luuk 17:1

Jiizas se tu im speshal falara dem se, “Unu aalwiez a-go av sitn we mek piipl du rang, bot chobl fi di wan we mek sumadi els du di rang.

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 10:7

Afta di ienjel we taak tu im lef, Kaaniiliyos kaal tuu a im speshal sorvant dem an wan a im suoja we sorv im an we aalwiez worship Gad.

Aks 15:10

So tel mi nou, wa mek unu waahn flai iina Gad fies fi go presha im piipl fi du wa Gad neva aada dem fi du, sitn we no iivn wi ar fi wi faada faada dem kuda du?

Ruoman 2:24

It aal rait dong iina Gad wod se, “Unu we se unu a Juu, unu a kaaz di piipl we a no Juu fi se aal saat a wikid sitn bout Gad.”

1 Korintiyan 10:32

No du notn we a-go kaaz di Juu dem, di piipl we a no Juu ar Gad choch fi sin.

Gyalieshan 5:1

Gad frii wi so dat wi wudn afi fala di Laa. So tan op chrang an no mek notn ar nobadi tek unu ton unu bak iina sliev.

1 Timoti 5:14

So mi waahn di yongga uman dem we ozban ded fi go marid agen. Dem fi get marid, av pikni an tek kier a dem fambili so dat di piipl dem we no laik wi, kyaahn av notn bad fi se bout wi.

Taitos 2:5

Dem wi lorn ou fi ron dem ous. Di uolda uman dem wi elp di yongga wan dem lorn ou fi kanchuol demself, liv wan gud an kliin laif, an fi fala wa dem ozban se. So dat nobadi kyaahn se notn bad bout Gad wod.

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.

1 Piita 3:16

An wen unu a ansa dem no bada disrispek dem ar fuos dem fi biliiv wa unu a se. An unu fi diil wid dem gud tu, so unu no en op fiil gilti. Da wie de, aal a uu se aal kain-a rang sitn bout unu gud bievya kaaz unu a Krais Jiizas falara, dem wi en op fiil shiem bout wa dem did se.