1 Timoti 5:6 - Di Jamiekan Nyuu Testiment

⁶ Bot di uman we ozban ded an onggl kier bout wa shi waahn an no we Gad waahn, fi ar spirit ded iivn duo shi stil a liv.

1 Timoti 5:6 ပူးပေါင်းရင်းမြစ်များ

Matyu 8:22

Bot Jiizas tel im se, “Fala mi, an mek di ded galang go beri uu ded fi dem.”

Luuk 12:19

An mi a-go se tu miself, maasa yu a wan loki man. Yu av nof sitn an dem a-go laas yu fi wan lang lang taim. Tek laif iizi, nyam, jringk an mek meri.’

Luuk 15:13

“Likl afta dat, di likla wan tek aal we im get, go a farin, an wies im moni a liv wail.

Luuk 15:24

Mi pikni did ded bot im kom bak alaiv. Im did laas bot mi get im bak.’ So dem staat fi daans an praans.

Luuk 15:32

Bot wi did so glad wi did afi daans an praans, kaaz yu breda we did ded an kom bak alaiv, kom bak uom. Im did laas bot wi get im bak.’ ”

Luuk 16:19

“Wan taim yu did av wan rich man we yuus tu jres op iina porpl kluoz mek outa fansi an dier klaat an did a liv big laif evridie.

Luuk 7:25

Ef a no dat, den a wa unu go out de fi si? Wan man jres op iina a dier kluoz? Nuo man! Piipl we jres op iina dier kluoz an liv big laif, liv iina palis.

Ifiijan 2:1

Wan taim unu spirit did ded kaaz unu did a brok Gad laa an unu did a liv iina sin.

Ifiijan 2:5

aal wen wi spirit did ded siek-a wi sin dem, Gad mek wi kom bak alaiv siem taim Jiizas did kom bak alaiv. (A kaaz Gad lov unu iivn duo wi no dizorv it mek im siev unu.)

Ifiijan 5:14

Lait shuo op evriting an mek wi si wa dem riili komiin laik. A dat mek Gad wod se, “Unu we a sliip, wiek op, man. Aal a unu we ded, kom bak alaiv, an mek Krais Jiizas shain pan unu laka lait.”

Koloshan 2:13

Wan taim unu did ded. Unu spirit did ded, an unu neehn kot we fram sin yet. So sin did stil av powa uova unu dem taim de. Bot Gad mek Krais Jiizas gi unu laif. Im paadn wi fi aal a wi sin dem.

2 Timoti 3:6

Dem de piipl de wi wok dem wie iina piipl fambili an fuul op di uman dem we iizi fi chrik an we a liv iina aal kain-a sin an kyaahn kanchuol demself.

Jiemz 5:5

Unu a liv big laif pan ort. Unu get evriting unu waahn fi mek unu api. Bot rait ya nou, unu komiin laik dem big fat kou we dem a kyari go a bucha shap fi go kil.

Revilieshan 18:7

Shi big op arself an taak bout ou shi powaful an du aal kain-a seks sin. Ponish ar an mek ar sofa di siem wie, kaaz shi se tu arself, ‘A mi ruul. Mi a di kwiin. Mi ozban no ded, so mi wi neva av notn fi baal bout.’

Revilieshan 3:1

An im se tu mi agen se, “Rait da leta ya go gi di liida fi di choch we iina Saadis an tel im se: Di wan we av Gad Uoli Spirit an we uol di sevn staar dem se, mi nuo evriting bout unu. Piipl tingk se unu a fala mi, bot unu riili naa fala mi at aal.