1 Timoti 5:23 - Di Jamiekan Nyuu Testiment

²³ (Tap jringk waata wan bot yu fi jringk likl wain tu fi elp yu tumok an fi mek yu no so siki-siki).

1 Timoti 5:23 ပူးပေါင်းရင်းမြစ်များ

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Ifiijan 5:18

No bada jringk chrang jringk an get jongk an galang bad an gwaan wid aal kain-a naasinis. Wa unu fi du a mek di Uoli Spirit tek kanchuol a unu laif.

1 Timoti 3:3

Im no fi lov jringk tu moch an im no fi lov fait, bot im fi nais an jengkl an liv iina piis wid evribadi. Pan tap a dat im no fi lov moni niida.

1 Timoti 3:8

Siem laik di elda, di diikan dem fi bi sumadi we piipl rispek. Dem no fi tel wan sumadi sitn an go tel sumadi els sitn difrant, dem no fi lov jringk tu moch an dem no fi waahn waahn moni.

1 Timoti 4:4

Evriting we Gad mek gud, so ef yu gi tangks yu no afi fried fi nyam notn.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

Taitos 2:3

A siem so di uolda uman dem fi liv laik uman we se dem a fala Gad. Dem no fi tel lai ar taak bad bout ada piipl. Dem no fi lov wain so til dem kyaahn tap jringk it niida. Di uolda uman dem fi tiich wa gud.