1 Timoti 5:18 - Di Jamiekan Nyuu Testiment

¹⁸ Kaaz Gad wod se, “Yu no fi tap di aks fram nyam wen im a mash out di grien” an “Di piipl dem we wok fi get di moni we dem wok fa.”

1 Timoti 5:18 ပူးပေါင်းရင်းမြစ်များ

1 Korintiyan 9:14

A siem so di Laad se dat di wan dem we go roun an tiich di Gud Nyuuz fi get wa dem niid fi liv fram di piipl dem we dem a tiich.

Luuk 10:7

Di man we lov piis an tek unu iin, a fi'im yaad unu fi tan. Nyam an jringk wa dem gi unu, kaaz ef sumadi wok dem fi get pie. Unu fi tan a wan yaad an no muuv fram yaad tu yaad.

Matyu 10:10

Wen unu a go pan di ruod no bring no bag, no ekschra shot, slipaz ar waakn tik, kaa di wokman dem dizorv fi get di sitn dem we dem niid fi liv.

Jiemz 4:5

Wen Gad wod se, “Di spirit we Gad put iina wi jelos bad an wel waahn wi fi kip tu Gad wan” — unu tingk se it se dat fi notn?

Ruoman 10:11

Jos laik Gad wod se, “Nobadi we put dem chos iina im a-go shiem,”

Ruoman 9:17

Iina Gad wod it rait dong se Gad se tu Fiero se, “Dis a wai mi mek yu ton king: mi mek yu ton king so dat mi kuda yuuz yu fi shuo piipl ou powaful mi bi an so dat piipl aal uova di worl wuda nuo bout mi.”

Gyalieshan 3:8

Gad did av a plan fi mek tingz rait bitwiin im an di piipl dem we a no Juu. Ef dem biliiv iina im, im wuda siev dem an tek we dem sin. Dis a did di gud nyuuz we Gad tel Iebriyam fram wie bak wen an we rait dong iina Gad wod. Gad tel Iebriyam se, “Piipl fram aal difrant konchri a-go get bles siek-a wa yu du.”

Ruoman 11:2

Gad no ton im bak pan im piipl — di piipl we im pik fram bifuo im mek di worl! Unu no memba wa Gad wod se did apm wen Ilaija go komplien tu Gad bout aal we di Izrel piipl did a du? Ilaija se,

Ruoman 4:3

Bot a wa Gad wod se? It se “Iebriyam did biliiv iina Gad an so Gad mek tingz rait bitwiin im an Iebriyam.”