1 Timoti 5:10 - Di Jamiekan Nyuu Testiment

¹⁰ Ef shi a-go go pan di lis, piipl mos nuo ar fi di gud sitn dem we shi du. Dem mos nuo ar kaaz shi bring op ar pikni dem gud, aalwiez uopm op ar yaad tu piipl an shi wash di fut a di biliiva dem. Dem mos nuo ar kaaz shi elp enibadi we niid elp an kaaz shi du aal kain-a gud sitn.

1 Timoti 5:10 ပူးပေါင်းရင်းမြစ်များ

1 Timoti 6:18

Tel dem fi du nof gud sitn — a dat dem fi rich wid, an tel dem se dem mos gi tu ada piipl an shier wa dem av.

Taitos 3:8

Aal a wa mi jos tel yu, a chuu sopm. An a dat mi waahn yu fi tiich aad aad. Tiich it so dat aal a di piipl we biliiv iina Gad wi mek shuor se dem onggl du gud sitn; dem sitn ya gud an wi elp evribadi.

Aks 9:36

Nou yu did av wan uman we biliiv iina Jiizas we liv a Japa. Shi did niem Tabita, bot iina Griik shi niem Daakas. Shi did eva a du gud an a elp puo piipl.

Taitos 3:1

Mek shuor di piipl dem memba se dem fi rispek an fala di ruula dem fi di konchri an di piipl dem we iina powa; dem fi lisn, fala an eva redi fi du aal kain-a gud sitn.

Taitos 2:7

Yu, Taitos, mek shuor se yu eva a du gud sitn an liv rait, so piipl wi si ou yu liv an fala wa yu du. Wen yu tiich mek shuor se yu taak di chuut an tek it siiros.

2 Timoti 3:17

Gad wod wi mek im sorvant dem redi an wi mek dem kyan du aal kain-a gud sitn.

Ruoman 12:13

Ef unu choch breda an sista no av wa dem niid, unu fi shier wa unu av wid dem an unu mos eva redi fi tek iin piipl we a chravl an naa no we fi stie.

Luuk 7:44

Im ton tu di uman an se tu Saiman, “Yu si da uman ya? Mi kom a yu yaad an yu no gi mi no waata fi wash mi fut. Bot da uman ya wash mi fut wid ar yai-waata an waip dem wid ar ier.

Matyu 5:16

A siem so unu fi shain unu lait mek evribadi si, da wie de dem kyan si di gud sitn we unu du an big op unu Faada we de a evn.

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.

Iibruu 13:21

wi gi unu aal a di gud sitn dem we impuotant fi go du wa im waahn unu fi du. Mi prie tu se im wi mek wi ton aal a wa im waahn wi fi ton. An dis wi apm kaaz im wi mek Krais Jiizas du dat. Di piipl dem fi priez Krais Jiizas fi eva an eva an lif im op. Iemen.

Iibruu 13:2

An no tap elp chrienja an tek dem iina unu ous, kaaz a so som piipl tek iin ienjel an no iivn nuo.

Iibruu 10:24

An mek wi tingk bout ou wi kyan gwaan push wi wan aneda fi shuo lov an fi du di gud sitn dem.

Taitos 3:14

Di piipl we biliiv iina Jiizas an we iina Kriit mos lorn fi wok aad an du gud sitn, so dat dem wi aalwiez av inof, so dem kyan gi piipl we niid it.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

Luuk 7:38

Shi go baka im, tan wich paat im chrech out im fut an staat baal. Shi mek ar yai-waata wet op im fut an waip dem aaf wid ar ier, den shi kis dem an chuo out di porfyuum pan dem.

3 Jan 1:12

Evribadi av gud sitn fi se bout Dimiichriyos, dem kyan si se im riili a liv ou di Laad se im piipl fi liv. Wi taak gud bout im tu, an yu nuo se wi no tel lai.

1 Piita 4:9

Unu fi shier wid unu wan aneda — a dat unu fi du. Shier unu ous an no bada lang op unu mout an grombl grombl wen unu a du it.

2 Timoti 3:15

Fram yu a likl pikni yu nuo Gad wod we kuda mek yu waiz inof fi biliiv iina Jiizas Krais an mek im siev yu.

2 Timoti 2:21

A siem wie it go wid piipl. Ef enibadi wi kliin op demself an ton fram aal we wikid, im wi komiin laik wan a di speshal boul dem. An Gad wi kyan yuuz im fi du speshal tingz. Im wi redi fi du aal kain-a gud sopm.

2 Timoti 1:5

Mi memba ou yu chos iina Gad nof nof. Jos laik ou yu mada Yuunis an yu granmada Lai did biliiv iina Gad an did chos iina im nof nof tu. Mi shuor se jos laik dem yu biliiv an chos iina Gad nof nof tu.

1 Timoti 5:25

A di siem wid di gud sitn dem we piipl du. Som a dem iizi fi si an som no iizi fi si, bot non a dem kyaahn aid.

1 Timoti 2:10

Wa dem fi du a jres op demself wid di gud sitn dem we dem du fi ada piipl. A dat uman we a fala Gad fi du.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

Aks 22:12

“Wan man niem Ananaiyas, we riili worship Gad an liv di wie ou di Laa se wi fi liv an we aal di Juu we liv de taak gud bout

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 9:39

So Piita get op siem taim an go wid dem. Wen im kech de, dem kyari im opstiez tu di ruum. Aal a di uman dem uufa ozban did ded tan op saida im a baal an a shuo im aal a di kluoz dem we Daakas yuus tu mek wen shi did alaiv.

Aks 6:3

So breda an sista unu pik sevn man fram mongks unu. Evribadi mos si se dem mek di Uoli Spirit kanchuol dem laif an dem wel waiz. Wi wi put dem inchaaj a da wok ya,

1 Timoti 5:16

Ef wan uman we biliiv iina Gad, av wan sumadi iina ar fambili we ozban ded, shi fi elp da uman de. Shi fi elp ar, so dat di choch kyan go elp di uman dem we riili niid elp.

1 Timoti 3:7

A no jos piipl we biliiv iina Jiizas wan, bot aal piipl we no biliiv iina Jiizas mos taak gud bout im. Kaaz ef piipl rispek im nobadi kyaahn se notn wikid bout im an di devl naa go kyan chrap im.

1 Timoti 3:2

Di elda fi liv im laif so dat nobadi kyaahn se notn bad gens im. Im fi av onggl wan waif, im fi nuo ou fi kanchuol imself an no go uova buod wid notn. Piipl mos kyan rispek im an im fi kyan chriit piipl gud wen dem kom a im yaad. Di elda mos nuo ou fi tiich.

Matyu 25:17

Di wan we did av tuu bag mek tuu muo tu.