1 Timoti 4:4 - Di Jamiekan Nyuu Testiment

⁴ Evriting we Gad mek gud, so ef yu gi tangks yu no afi fried fi nyam notn.

1 Timoti 4:4 ပူးပေါင်းရင်းမြစ်များ

Aks 10:15

Den di vais se tu Piita di sekan taim se, “No tek notn we Gad mek kliin an se it doti an no gud fi iit.”

Aks 15:29

Unu no fi nyam no fuud we piipl tek bon sakrifais gi faalz gad, no nyam ar jringk no blod, no nyam miit fram animal we eng ar we blod neva bliid out wen dem ded. Unu fi kip we fram aal saat a seks sin. Ef unu kip we fram aal a dem sitn de, unu a du di rait ting. Unu tek kier.

Aks 21:25

Bot yu si di piipl we a no Juu we biliiv, wi did rait tu dem bout wa wi did mek op wi main fi du aredi. Wi tel dem se dem no fi nyam miit we piipl did tek bon sakrifais gi faalz gad, ar miit wid blod stil iina it, ar animal we eng, an dem fi kip we fram aal saat a seks sin.”

Ruoman 14:14

Mi an Jiizas a wan an so mi nuo fi shuor se no fuud no de we rang fi mi iit. Bot ef sumadi riili biliiv se it rang fi dem iit sopm, den it wuda rang fi dem iit it.

Ruoman 14:20

No mash op di wok we Gad du uova fuud. So iivn duo evriting kliin an gud fi iit, it wuda rang fi yu iit it ef it a-go kaaz sumadi fi sin.

Ruoman 14:6

Di piipl we se wan die muor impuotant dan di res, dem a yuuz da die de fi ana Gad. Di piipl we iit evriting, dem a du it fi ana Gad, kaaz dem gi Gad tangks fi di fuud we dem a iit. An di piipl dem we no iit miit, dem du dat fi ana Gad tu, kaaz dem gi Gad tangks fi di fuud we dem iit tu.

1 Korintiyan 10:23

Som piipl se, “Mi kyan du eniting wa mi waahn fi du,” bot a no evriting gud fi yu. Dem se, “Mi kyan du eniting wa mi waahn fi du,” bot a no evriting a-go elp yu fi gruo.

1 Korintiyan 10:25

Yu kyan nyam di miit we dem sel iina di maakit an no afi wori ef it rait ar rang

1 Korintiyan 10:26

kaaz “Di uol worl an evriting we de iina it bilang tu Gad.”

1 Korintiyan 10:30

Ef mi prie an gi Gad tangks fi di fuud, it no aarait den fi mi iit it? Dem shudn av no prablem wid it ef mi du dat.

1 Timoti 4:3

Dem tiich se piipl no fi get marid an dem no fi nyam sortn an sortn fuud. Bot di piipl we biliiv iina di chuu Gad nuo se Gad mek aal fuud fi nyam, aal yu afi du a gi tangks fos.