1 Timoti 4:3 - Di Jamiekan Nyuu Testiment

³ Dem tiich se piipl no fi get marid an dem no fi nyam sortn an sortn fuud. Bot di piipl we biliiv iina di chuu Gad nuo se Gad mek aal fuud fi nyam, aal yu afi du a gi tangks fos.

1 Timoti 4:3 ပူးပေါင်းရင်းမြစ်များ

1 Timoti 4:4

Evriting we Gad mek gud, so ef yu gi tangks yu no afi fried fi nyam notn.

Iibruu 13:4

Evribadi fi rispek marid laif, ozban an waif mosn go sliip wid nobadi els — dem fi kip dem bed kliin. Kaaz di piipl dem we dabl iina seks sin, an we sliip wid piipl dem no marid tu, Gad a-go joj dem.

Ruoman 14:6

Di piipl we se wan die muor impuotant dan di res, dem a yuuz da die de fi ana Gad. Di piipl we iit evriting, dem a du it fi ana Gad, kaaz dem gi Gad tangks fi di fuud we dem a iit. An di piipl dem we no iit miit, dem du dat fi ana Gad tu, kaaz dem gi Gad tangks fi di fuud we dem iit tu.

Koloshan 2:16

So no mek nobadi joj non a unu an rait unu aaf siek-a wa unu nyam ar jringk. An no pie dem no main wen dem kom a tel unu bout no speshal uoli die we kom evri ier wen piipl worship Gad, ar bout di Nyuu Muun Festival ar wan Sabat die.

1 Korintiyan 8:8

Bot fuud naa go mek wi an Gad kluosa, so a notn ef wi iit di fuud ar wi no iit di fuud. It naa du wi notn bad.

Koloshan 3:17

An no mata wa unu du: no mata wa unu se ar du, unu fi memba se unu a di Laad Jiizas falara, so du wa unu du laik sumadi we a fala im. Wen unu a du dat, unu wi a gi Faada Gad tangks. An unu wi kyan gi im tangks, siek-a wa Krais Jiizas du fi unu.

1 Korintiyan 7:28

Bot ef di wan dem we neva av seks yet go get marid a no sin dem a sin. Bot dem we get marid, dem a-go av nof chobl iina da laif ya an mi no waahn unu fi afi go chuu dat.

Ruoman 14:3

Di piipl we iit evriting dem no fi luk dong pan di piipl dem we no iit miit an di piipl we no iit miit, dem no fi joj di piipl we iit miit kaaz Gad don tek dem fi fi im pikni dem.

Iibruu 13:9

No mek di chrienj sitn dem we piipl go bout an a tiich mek unu chrie we. Kaaz a no ruul bout wa unu fi nyam an no nyam, mek di aat chrang. Bot a ou Gad lov wi so moch iivn duo wi no dizorv it — an a wan gud sitn dat. Di ruul dem bout wa piipl fi nyam neehn elp di piipl dem we did a fala dem.

1 Timoti 2:4

Im waahn evribadi fi get siev an fi nuo di chuut.

1 Korintiyan 6:13

Ada piipl wi se tu, “Fuud a fi yu beli an yu beli a fi fuud,” — bot Gad a-go mash op di tuu a dem. Yu badi neva mek fi yu tek it go tek paat iina aal kain-a seks sin. Yu badi a fi di Laad an di Laad a fi yu badi.

Ruoman 14:17

Kaaz Gad Kindom no av notn fi du wid wa piipl iit an jringk ar we dem no iit an jringk. Gad kindom a bout ou piipl liv; ef dem a liv rait, ef dem av piis iina dem aat, an ef dem aat api — an aal a dem sitn de kom fram di Uoli Spirit.

Matyu 15:36

im tek di sevn bred an di fish dem, gi tangks, brok dem op an staat gi im falara dem, an dem gi di piipl dem.

Matyu 14:19

Den im tel di piipl dem fi go sidong pan di graas. Im tek di faiv bred an tuu fish an im luk op iina di skai, gi tangks an brok op di bred dem. Im gi im falara dem, an dem tek it gi di piipl dem.

Aks 27:35

Afta im se dat, Paal tek bred an gi Gad tangks infronta aal a dem. Den im brok it an staat fi iit it.

Jan 6:23

Den nou, som buot komiin fram Taibiiriyos an sekl saida wich paat di piipl dem nyam di fuud afta di Laad did gi tangks fi it.

Luuk 24:30

Im sidong a di tiebl wid dem. Jiizas tek bred, gi tangks, brok it an gi dem.

Matyu 15:11

Wen sumadi doti, a no siek-a wa dem put iina dem mout; a wa kom outa dem mout mek dem doti.”

1 Timoti 5:14

So mi waahn di yongga uman dem we ozban ded fi go marid agen. Dem fi get marid, av pikni an tek kier a dem fambili so dat di piipl dem we no laik wi, kyaahn av notn bad fi se bout wi.