1 Timoti 4:16 - Di Jamiekan Nyuu Testiment

¹⁶ Wach ou yu liv an wach wa yu tiich. Gwaan tiich an du aal we mi tel yu fi du, kaaz ef yu du it, yu no onggl a siev yuself bot yu a siev di piipl dem we ier yu tu.

1 Timoti 4:16 ပူးပေါင်းရင်းမြစ်များ

Maak 13:9

“Wach out. Chobl a-go riich unu. Dem a-go tek unu an ton unu uova tu di liida dem fi di Juu dem choch, an dem a-go biit unu iina dem choch. An kaaz unu fala mi, unu wi get fi tan op infronta ruula an king an tel dem bout mi.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Aks 26:22

Tu da die ya Gad a elp mi an so mi tan op infronta aal a unu, weda unu impuotant ar no impuotant, fi taak di chuut. Di siem ting wa Muoziz an di prafit dem did se a-go apm, a di siem ting mi a se.

Aks 6:4

an fi wi wok wi bi fi prie an pred Gad mesij bout Jiizas.”

Ruoman 11:14

Mi tek it siiros kaaz mi uop se wa mi a du wi mek som a fi mi piipl, di Juu dem, jelos an waahn wa unu av, da wie de som a dem wi get siev.

Ruoman 16:17

Nou breda an sista, mi a beg unu wach out fi di piipl we kaaz di piipl iina di choch fi plit op an fait wid dem wan aneda, we kaaz piipl fi ton we fram wa dem biliiv an we taak gens an tiich tingz we no lain op wid wa unu did lorn. No av notn fi du wid dem!

Ruoman 2:7

Yu av som piipl we a liv rait an we aalwiez a du gud fi ada piipl. Dem piipl de waahn Gad fi taak gud bout dem. Dem waahn im fi big dem op an mek dem liv fi eva. An a dem de piipl de Gad a-go mek liv fi eva an eva.

1 Korintiyan 1:21

Kaaz piipl tingk se dem waiz, lef tu demself, dem wudn nuo Gad. Bot sins Gad riili waiz, im mek it so dat piipl kuda get siev ef dem biliiv di siem mesij we dem se a fuulinish.

1 Korintiyan 9:22

Tu di piipl dem we wiik mi ton wiik tu, so dat mi kuda elp dem fi biliiv iina Jiizas Krais. So bies pan ou piipl liv, mi chienj ou mi liv so dat mi wuda du aal we mi kuda du fi elp siev som a dem.

1 Korintiyan 9:27

Nuo mi no mek mi badi kanchuol mi, mi kanchuol mi badi an mek it du wa mi waahn it fi du. Da wie de afta mi don priich di Gud Nyuuz Gad kyaahn se mi no dizorv fi mi praiz.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

Koloshan 4:17

Tel Aakipos dis fi mi, “Mek shuor se yu don di wok we di Laad gi yu fi du, kaaz a im ya'a wok fa.”

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.

1 Timoti 1:3

Wen mi did a go Masiduoniya, mi beg yu fi tan a Efisos so yu kyan waan di piipl dem we naa tiich Gad wod fi tap pred faalz wod.

1 Timoti 4:15

Memba dem sitn ya. Tingk bout dem aal di taim an put evriting iina di wok we mi gi yu, so piipl kyan si ou faar yu kom.

1 Timoti 4:6

Timoti, yu wi bi wan gud sorvant fi Jiizas Krais ef yu tiich di piipl di chuut bout dem sitn ya, gwaan kip di chuu mesij bout Krais Jiizas kluos tu yu aat an gwaan fala di chuu sitn dem we mi did tiich yu.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

2 Timoti 3:14

Bot yu si yu Timoti, gwaan uol aan tait tait pan wa yu lorn an wa yu biliiv iina kaaz yu nuo a uu tiich yu.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.

Taitos 1:9

Di elda mos uol aan chrang pan di riil mesij bout Jiizas, we wi tiich. Im afi du dis so im kyan tiich piipl di rait sitn an karek di wan dem we a tiich di rang sitn.

Taitos 2:15

Mek shuor se yu tel evribadi dem sitn ya. Yuuz di powa we Gad gi yu fi push di piipl dem fi fala di chuut an fi karek dem. An no mek nobadi put yu dong ar se yu a wan bad tiicha an no pie yu no main.

Taitos 2:7

Yu, Taitos, mek shuor se yu eva a du gud sitn an liv rait, so piipl wi si ou yu liv an fala wa yu du. Wen yu tiich mek shuor se yu taak di chuut an tek it siiros.

Failiiman 1:19

Mi, Paal we a rait da leta ya miself, wi pie yu bak. An mi nuo se mi no afi memba yu se yu uo mi, kaaz a mi elp yu fi biliiv iina Krais.

Iibruu 12:15

Gad lov wi iivn duo wi no dizorv it, so mek shuor se nobadi no ton dem bak pan wa im du fi dem. An mek shuor se nobadi no galang laik bita ruut we gruo kom ton bita chrii. Dem piipl de wi kom kom mek chobl an brok out wan bag a piipl. Mek shuor se dat no apm.

Iibruu 13:9

No mek di chrienj sitn dem we piipl go bout an a tiich mek unu chrie we. Kaaz a no ruul bout wa unu fi nyam an no nyam, mek di aat chrang. Bot a ou Gad lov wi so moch iivn duo wi no dizorv it — an a wan gud sitn dat. Di ruul dem bout wa piipl fi nyam neehn elp di piipl dem we did a fala dem.

Jiemz 5:20

memba dis: di wan we elp im kom bak a-go siev im so im no ded an im wi get paadn fi di uol iip a rang we im du.