1 Timoti 4:14 - Di Jamiekan Nyuu Testiment

¹⁴ No figet bout di gif we di Uoli Spirit gi yu, mek shuor se yu yuuz it. A da gif de yu did get wen di prafit dem did taak uova yu an di elda dem did put dem an pan yu an prie.

1 Timoti 4:14 ပူးပေါင်းရင်းမြစ်များ

Aks 11:30

Dem sen di moni wid Baanabas an Saal go gi di choch liida dem a Jeruusilem.

Aks 13:3

So afta dem taim fi kip we fram fuud an prie did don, dem put dem an pan Baanabas an Saal ed, prie fi dem, an sen dem aaf.

Aks 19:6

An wen Paal put im an pan dem, di Uoli Spirit tek kanchuol a dem, an dem staat taak iina wan chrienj wie we nobadi no nuo ar andastan, an gi out mesij we kom fram Gad.

Aks 22:5

Di liida fi di priis dem an di uol gruup a elda dem kyan tel unu bout mi kaaz dem did aal gi mi leta fi kyari tu wi breda dem iina Damaskos we a Juu. So mi go de go ares di piipl dem we did a fala di Wie ou Jiizas se dem fi liv an kyari dem kom a Jeruusilem kom ponish dem.

Aks 6:6

Dem put dem man ya fi tan op infronta di apasl dem an dem put dem an pan dem ed an prie fi dem.

Aks 8:17

So Piita an Jan put dem an pan dem an di Uoli Spirit kom liv iina dem.

1 Tesaluoniyan 5:19

No uol dong ar shot op di Uoli Spirit.

1 Timoti 1:18

Timoti, mi bwai pikni, mi a chos yu fi du wa mi tel yu fi du. Wa mi a tel yu a di sed sitn dem di prafit dem di se bout yu. So memba aal a wa dem se, so yu wi no gi op bot fait laik wan riil suoja,

1 Timoti 4:15

Memba dem sitn ya. Tingk bout dem aal di taim an put evriting iina di wok we mi gi yu, so piipl kyan si ou faar yu kom.

1 Timoti 5:17

Unu fi ana an rispek di elda dem we a gud liida, wos ef dem wok aad fi priich an tiich. Unu fi ana dem an pie dem gud tu.

1 Timoti 5:19

No biliiv notn bad we nobadi tel yu bout di elda dem. Yu fi onggl biliiv wa dem se ef a tuu ar chrii piipl we did de de tel yu wa apm.

1 Timoti 5:22

No kwik fi put yu an pan nobadi an mek dem liida iina di choch. No shier iina dem sin bot kip yuself kliin.

1 Timoti 6:12

Yu chos iina Gad so yu a-go av nof tingz we yu a-go afi chogl chuu. Gwaan tan op chrang an priich Gad wod. Ef yu du dis yu kyan nuo fi shuor se yu a-go liv fi eva. Kaaz dat a di pramis we Gad gi yu wen yu did se dat yu biliiv iina im infronta evribadi.

2 Timoti 1:6

Siek-a dat yu mos mek shuor se yu gwaan yuuz di gif we Gad gi yu wen mi did put mi an dem pan yu an prie.