1 Timoti 4:13 - Di Jamiekan Nyuu Testiment

¹³ Gwaan tiich an riid Gad wod out loud mek evribadi ier, an gwaan elp di piipl fi andastan dem til mi kom.

1 Timoti 4:13 ပူးပေါင်းရင်းမြစ်များ

Jan 5:39

Unu stodi an stodi Gad wod aad, kaa unu tingk se a dat a-go mek unu nuo ou unu kyan liv fi eva. Bot di sed wod we unu a stodi, taak bout mi,

Aks 17:11

Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.

Aks 6:4

an fi wi wok wi bi fi prie an pred Gad mesij bout Jiizas.”

Ruoman 12:8

Ef Gad mek yu kyan taak tu piipl an mek dem fiil laik se dem kyan du wa dem niid fi du, den a dat yu fi du. Ef im gi yu wan aat fi piipl we mek yu shier aal we yu av, den yu fi gi wid aal a yu aat. Ef Gad mek yu wan liida, den yu fi wok aad. Ef Gad mek yu kyan gud an kain tu piipl, den a dat yu fi du an yu fi api fi du it tu.

1 Korintiyan 14:26

So mi breda an sista, a wa unu fi du den? Mi a-go tel unu! Wen unu gyada tugeda fi av choch, evriting we unu du, unu fi du it so dat unu wi elp evribadi. A so it fi tan wen sumadi a sing wan sang ar a tiich, ar a kyari mesij fram Gad. A so it go wen sumadi a taak iina tongz ar wen sumadi a tel unu we di piipl we a taak iina tongz a se.

1 Korintiyan 14:3

Bot di wan dem we di Spirit lou fi kyari mesij fram Gad, dem a taak fi piipl andastan. Di mesij we dem kyari elp piipl fi get chrang iina wa dem biliiv, push dem fi gwaan biliiv an elp dem wen dem sad.

1 Korintiyan 14:6

Nou breda an sista, ef mi kom tu unu an a taak iina tongz ou mi fi elp unu ef unu kyaahn andastan wa mi a se? Ou mi fi elp unu ef mi naa kom tel unu bout sopm we Gad shuo mi ar mek mi andastan wen mi a riid im Wod? Ou mi fi elp unu ef a no wan mesij fram Gad mi a kom tel unu ar a no tiich mi a tiich unu sopm fram Gad wod?

1 Timoti 4:16

Wach ou yu liv an wach wa yu tiich. Gwaan tiich an du aal we mi tel yu fi du, kaaz ef yu du it, yu no onggl a siev yuself bot yu a siev di piipl dem we ier yu tu.

1 Timoti 4:6

Timoti, yu wi bi wan gud sorvant fi Jiizas Krais ef yu tiich di piipl di chuut bout dem sitn ya, gwaan kip di chuu mesij bout Krais Jiizas kluos tu yu aat an gwaan fala di chuu sitn dem we mi did tiich yu.

2 Timoti 3:15

Fram yu a likl pikni yu nuo Gad wod we kuda mek yu waiz inof fi biliiv iina Jiizas Krais an mek im siev yu.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.

Taitos 2:15

Mek shuor se yu tel evribadi dem sitn ya. Yuuz di powa we Gad gi yu fi push di piipl dem fi fala di chuut an fi karek dem. An no mek nobadi put yu dong ar se yu a wan bad tiicha an no pie yu no main.