1 Timoti 4:12 - Di Jamiekan Nyuu Testiment

¹² No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

1 Timoti 4:12 ပူးပေါင်းရင်းမြစ်များ

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

1 Korintiyan 11:1

Unu mos fala mi, an du wa mi du. Jos laik ou mi fala Krais Jiizas, an du we im du.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

1 Tesaluoniyan 1:6

Unu staat fala wi — an staat fala di Laad tu. An duo unu sofa bad bad unu biliiv iina di Gud Nyuuz siem wie no mata di sofarieshan, kaaz di Uoli Spirit mek unu wel api.

1 Tesaluoniyan 2:10

Unu siem wan si an nuo, an Gad si an nuo tu se wen wi did de mongks unu we biliiv, wi neehn du notn rang. Wi du di rait sitn dem an nobadi kudn bliem wi fi notn.

1 Timoti 1:14

Jiizas Krais wi Laad did shuo mi lov iivn duo mi neva dizorv it at aal at aal. Im kaaz mi fi biliiv iina im an fi lov piipl.

2 Timoti 2:15

Chrai aad an du yu wok di wie Gad waahn yu fi du it. Mek shuor yu du yu wok gud an onggl tiich di chuut. Ef yu du dis, yu naa go av notn fi shiem bout an Gad wi api wid yu.

2 Timoti 2:22

So ron we fram di wikid sitn dem we di yong piipl dem waahn fi du an chrai aad aad fi du we rait. Yu mos liv ou Gad waahn yu fi liv an yu fi shuo lov an tek taim wid ada piipl. Chos iina Jiizas an no gi op. Timoti dis a wa yu fi du. An aal a di piipl dem we worship Gad wid wan kliin aat fi du it tu.

2 Timoti 2:7

Tingk pan dem sitn ya an Gad wi elp yu andastan di uol a dem.

Taitos 2:15

Mek shuor se yu tel evribadi dem sitn ya. Yuuz di powa we Gad gi yu fi push di piipl dem fi fala di chuut an fi karek dem. An no mek nobadi put yu dong ar se yu a wan bad tiicha an no pie yu no main.

Taitos 2:7

Yu, Taitos, mek shuor se yu eva a du gud sitn an liv rait, so piipl wi si ou yu liv an fala wa yu du. Wen yu tiich mek shuor se yu taak di chuut an tek it siiros.

Jiemz 3:13

Enibadi mongks unu waiz an av sens? Ef unu liv gud, ombl unuself an du wa rait, dat wi shuo se unu waiz.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.

1 Piita 5:3

No aada-aada roun di piipl dem we Gad gi unu fi tek kier a. Bot unu fi biyiev gud so dem wi waahn fala unu.