1 Timoti 3:4 - Di Jamiekan Nyuu Testiment

⁴ Im fi nuo ou fi ron im ous an im pikni dem fi lisn wa im se an shuo rispek.

1 Timoti 3:4 ပူးပေါင်းရင်းမြစ်များ

Aks 10:2

Im an im uol fambili aalwiez worship Gad. Nof taim im wuda elp puo piipl an im aalwiez a prie tu Gad.

Ifiijan 5:24

Siem laik ou di piipl dem we mek op di choch ombl demself an du we Krais Jiizas se dem fi du, a siem so di uman dem fi ombl demself an du we dem ozban waahn dem fi du.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

1 Timoti 3:12

Di diikan dem mos onggl av wan waif an mos kyan kanchuol dem pikni dem an ron dem uona ous.

Taitos 1:6

Wan elda mos liv im laif so dat nobadi kyaahn se notn bad bout im. Im mos onggl av wan waif an im pikni dem fi biliiv iina Jiizas. Im pikni dem no fi wail ar go gens wa dem mada an faada se bot mos aalwiez shuo dem rispek.

Taitos 2:2

Tel di uolda man dem se dem no fi go uova buod wid notn. Dem fi kanchuol demself an liv so piipl kyan rispek dem. Di uolda man dem fi eva chrang iina wa dem biliiv, aalwiez shuo lov an neva gi op.

Taitos 2:7

Yu, Taitos, mek shuor se yu eva a du gud sitn an liv rait, so piipl wi si ou yu liv an fala wa yu du. Wen yu tiich mek shuor se yu taak di chuut an tek it siiros.