1 Timoti 3:16 - Di Jamiekan Nyuu Testiment

¹⁶ Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

1 Timoti 3:16 ပူးပေါင်းရင်းမြစ်များ

Matyu 1:23

Di prafit did se, “Lisn op! Di uman we neehn sliip wid no man a-go get biebi — a wan bwai shi a-go av, an dem a-go kaal im Imanyuwel.” Da niem de miin, “Gad de ya wid wi.”

Matyu 13:11

Jiizas se, “Unu get di chaans fi nuo di siikrit sopm dem bout Gad kindom, bot no dem.

Matyu 28:2

An aal av a sodn wan wikid wikid ortkwiek shiek op di plies kaa wan a Gad ienjel dem kom dong fram evn an kom ruol we di stuon an sidong pan it.

Matyu 3:16

Az Jiizas don baptaiz so, wen im a kom op outa di waata, aal av a sodn evn uopm op an im si Gad Spirit a kom dong pan im laka wan dov.

Matyu 4:11

Afta dat di devl lef im, an ienjel kom kom luk aafa im.

Maak 1:13

An im did iina di dezot fi faati die. An wen im did out de, Sietan chrai aad aad fi mek im du rang. Im did out de mongks di wail animal dem bot ienjel did a luk aafa im.

Maak 16:19

Afta di Laad Jiizas don taak tu dem, Gad tek im op iina evn an mek im sidong a im rait-an-said.

Maak 16:5

Wen dem go iina di tuum, dem shak fi si wan yong man we av aan wan wait jakit sidong pan di rait-an-said.

Luuk 2:32

im a di lait we a-go mek piipl we a no Juu nuo yu wiez an bring nof rispek tu yu piipl Izrel.”

Luuk 20:44

Dievid kaal im ‘Laad.’ So ou im fi bi Dievid pikni?”

Luuk 22:43

Wan ienjel fram evn kom tu Jiizas an mek im chrang.

Luuk 24:4

Siem taim wen dem a wanda wa apm, tuu man iina kluoz we brait laik lait kom tan op saida dem.

Luuk 24:51

Siem taim Jiizas a bles dem, im get tek op iina evn an im lef dem.

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 13:3

Nou, Jiizas did nuo se di Faada did gi im powa uova evriting, dat a Gad im kom fram, an dat a Gad im a go bak tu,

Jan 15:26

“Mi a-go sen di Elpa fram di Faada tu unu. Im a di Spirit we shuo piipl di chuu sitn dem bout Gad, an im a di wan we kom fram di Faada. Wen im kom, im gweehn tel piipl bout mi.

Jan 16:28

Mi lef fram wich paat mi Faada de an kom iina di worl. Rait ya nou, mi a lef di worl fi go baka mi Faada.”

Jan 17:5

So, Faada, rait we yu de nou, mek mi get nof rispek, di sed kain-a rispek mi did av wen mi did de de wid yu fram bifuo di worl did mek.

Jan 20:12

Shi si tuu ienjel iina wait kluoz sidong wich paat Jiizas badi did de — wan we im ed did de an di ada wan we im fut did de.

Jan 6:62

Den a wa gweehn apm ef unu si di Man we Gad Pik go bak we im did de bifuo!

Aks 1:19

Evribadi iina Jeruusilem ier bout wa apm tu im, so iina fi dem langwij dem kaal di piis a lan Akeldama, dat miin blod fiil.)

Aks 10:34

Den Piita staat taak tu dem. Im se, “Nou mi riili andastan se Gad no paashal,

Aks 14:27

Wen dem riich a Antiyak, Paal an Baanabas gyada op di choch piipl an tel dem evriting we Gad did gi dem powa fi du, an ou Gad gi di piipl we a no Juu di chaans fi biliiv iina im.

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Ruoman 10:12

an dat go fi di Juu dem an di piipl we a no Juu tu. Di siem sitn go fi di tuu a dem kaaz di tuu a dem av di siem Laad, an di Laad bles nof nof enibadi we kaal pan im.

Ruoman 10:18

So mek mi aks unu sopm, di Juu dem, dem neva ier? Dem no mos did ier! It rait iina Gad wod se, “Fi dem vais riich evri paat a di ort, an piipl aal uova di worl ier di wod we dem priich.”

Ruoman 16:25

Mek wi priez Gad — Gad we kyan mek unu tan op chrang iina wa unu biliiv azkaadn tu di Gud Nyuuz we mi priich bout Krais Jiizas, an azkaadn tu di chuu sitn dem we a did siikrit fram lang lang taim a bak,

Ruoman 16:26

bot we Gad mek wi nuo bout nou. Gad we liv fi eva an eva, tel di prafit dem fi rait dong dem sitn ya iina Gad wod, an sen out piipl fi priich bout it so dat evribadi wuda nuo di chuut an staat fi biliiv an fala Gad.

Ruoman 3:4

Notn kyaahn go so! Gad wi aalwiez du wa im se im a-go du, iivn wen piipl lai an se dem du wa dem did pramis fi du. It aal rait dong iina Gad wod se: “Evritaim Gad taak, piipl wi si se wa im a se a chuu sopm. No mata wa piipl se gens Gad, a Gad a-go win.”

Ruoman 8:3

Wi aat so ful op a sin wi kudn fala aal we di Laa se an so di Laa kudn siev wi. Bot Gad du we di Laa kudn du. Gad tek im Bwai Pikni ton im iina wan man, gi im wan badi siem laik fi wi uon we wuda waahn fi sin, an sen im kom a ort fi ded fi wi sin dem.

Ruoman 9:5

Di Izrel piipl, dem a di pikni fi di uol taim liida dem — di liida dem we Gad did pik an we a did di ed fi di difrant difrant chraib dem. A fi dem fambili Krais Jiizas kom fram. Mek evribadi priez Gad, Gad we ruul uova evriting, fi eva an eva. Iemen!

1 Korintiyan 15:47

Di fos man, Gad tek dot mek fi im badi, bot di sekan man, fi im badi kom fram evn.

1 Korintiyan 2:7

Nuo! mi no tiich we dem tingk waiz. Insted-a dat mi taak bout ou Gad, di onggl wan we riili waiz, did plan fi siev wi fram lang taim. Nobadi neva nuo bout da plan de bifuo kaaz im kip it fram wi. Bot lang bifuo im iivn mek di worl, Gad mek a plan fi siev wi — a so im waiz.

2 Korintiyan 1:19

Kaaz Gad Bwai Pikni, Jiizas Krais, we mi, Silvanos an Timoti did priich tu unu bout, a no sumadi we se “Yes” wan minit an “Nuo” di neks. Jiizas aalwiez se wa im miin, im aalwiez se “Yes.”

Gyalieshan 2:8

An jos laik ou a Gad pik Piita fi bi im apasl an gi im di powa fi priich tu di Juu dem, a siem wie im pik mi an gi mi di powa fi priich tu di piipl dem we a no Juu.

Gyalieshan 4:4

Bot wen di taim we Gad set did kom, im sen im Bwai Pikni, Jiizas. Iivn duo im a did Gad pikni, Jiizas baan jos laik mi an yu. Im did av wan mada an im did afi fala di Laa tu.

Ifiijan 1:9

An kaaz Gad did waahn wi fi nuo, im tel wi aal a im plan dem we nobadi neva nuo bout. Fram di staat, im did mek op im main fi yuuz Jiizas fi du aal a di sitn dem wa im plan.

Ifiijan 6:19

Prie fi mi tu. Prie se Gad wi elp mi an tel mi di rait wod fi se. Prie se mi wi no fried evritaim mi uopm mi mout fi tel piipl di siikrit mesij bout di Gud Nyuuz,

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.

Koloshan 1:27

Gad did waahn dem nuo umoch im riili riili bles unu — unu piipl we kom fram aal bout. Da mesij ya se Krais Jiizas liv iina unu aat, an unu kyan luk fi kom si an nuo ou Gad big an powaful.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

Koloshan 2:2

Mi a wok aad, so dat unu aat no jrap wen unu kom kraas prablem, an dat unu kyan kom tugeda an lov unu wan aneda. Da wie de Gad wi bles unu an mek unu get fi nuo an riili andastan di chuu mesij — di mesij bout Gad siikrit, an Gad siikrit a Krais Jiizas.

2 Tesaluoniyan 1:10

Di Laad Jiizas a-go du aal a dem sopm ya wen im kom bak pan jojment die fi get priez siek-a di wok we im du iina fi im piipl dem. Unu a-go de de a priez im tu. Kaaz unu did biliiv di sitn dem we wi nuo fi wiself an did kom tel unu.

2 Tesaluoniyan 2:7

Kaaz wan wikid sitn de bout we a wok anda di kwaiyat fi kaaz piipl fi go gens Gad Laa. Bot sumadi a uol it bak. An di wan we a uol it bak a-go gwaan uol it til im get muuv outa di wie.

1 Timoti 3:9

Dem fi eng aan tait pan di chuu mesij we Gad shuo wi wid aal a dem aat an no fiek it.

Iibruu 1:3

Wen yu luk pan Gad Bwai Pikni, yu kyan si Gad brait brait lait. An im shuo ou Gad tan, kaaz im komiin jos laik Gad. An im powaful wod mek evriting tan jos laik ou dem fi tan. So wen im don mek di wie so piipl kyan get paadn fram sin im go sidong op a evn, rait saida di wan we muo powaful dan evribadi els. An wich paat im sidong iina evn, a di tap-a-tap pozishan dat, an im get fi ruul uova evriting.

Iibruu 12:2

Wi fi kip wi yai lak pan Jiizas. A im fos shuo wi wa it miin fi chos iina Gad, an mek wi kyan chos im iina evri wie. Im nuo se im did a-go en op wel api, so im go chuu di sofarieshan an go ded pan di kraas, an im neehn bizniz se im did a du sitn we evribadi els wuda shiem fi du. Afta dat im galang go sidong a Gad rait an.

Iibruu 7:7

An evribadi don nuo aredi se sumadi we a bles sumadi els, biga dan di wan we a get bles.

Iibruu 8:1

Nou dis a di mien sitn wi a se: Wi av wan liida fi priis we did sidong pan di rait-an-said a Gad chuon op iina evn.

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!

1 Piita 1:20

Gad did pik im fi du dis fram bifuo dis ya worl did mek an im shuo op iina di laas die dem fi unu uona gud.

1 Piita 1:21

An a im mek unu biliiv iina Gad — Gad we did mek im kom bak alaiv an ana im. So da wie de unu wi chos iina Gad an unu wi kyan nuo fi shuor se im a-go kip im wod an du som gud sitn fi unu.

1 Piita 3:18

Kaaz Krais Jiizas sofa an ded fi di uol a wi sin wans an faraal. Wan man we du onggl wa rait, ded fi aal a uu a sina, fi bring wi tu Gad. Dem kil di badi, bot Gad mek im liv agen iina di Spirit.

1 Piita 3:22

Jiizas Krais de iina evn nou an im de saida Gad rait an. Im av kanchuol uova aal a di ienjel dem, an di spirit dem we ruul an av powa.

1 Jan 1:2

A da siem laif de shuo itself tu wi. Wi si it, an wi a tel unu wa wi si. Wi a tel unu bout di siem laif we did de iina evn wid di Faada an we kom shuo itself tu wi.

1 Jan 3:5

Unu nuo se Jiizas kom fi tek we sin an im no av no sin at aal.

1 Jan 3:8

Enibadi we sin bilang tu di devl, kaaz fram di worl staat di devl a sin. A dat mek Gad Bwai Pikni kom iina di worl, fi mash op di devl wok.

Revilieshan 17:5

Shi av wan niem rait pan ar farid we nobadi no nuo wa it miin. Di niem se: A MI A POWAFUL BABILAN. MI A DI MUMA FI AAL UOR AN FI AAL KAIN-A SEKS SIN AN NAASINIS IINA DI WORL.

Revilieshan 17:7

Bot di ienjel se tu mi se: “Wa yu a fraitn bout? Mek mi tel yu di siikrit bout di uman niem an di wail animal we shi a raid we av di sevn ed wid di ten aan dem.

Revilieshan 7:9

Afta dat mi si wan big kroud a piipl tan op infronta mi, dem did so nof dat nobadi kudn kount dem. Dem kom fram evri konchri, chraib, an piipl we chat aal kain-a langwij. Dem kom tan op infronta di chuon an infronta di Biebi Shiip. Dem did av aan wait jakit we kech dem klier dong a dem fut, an dem did av paam liif iina dem an.