1 Timoti 3:14 - Di Jamiekan Nyuu Testiment

¹⁴ Mi uop se mi kyan kom si yu suun bot mi a rait da leta ya siem wie.

1 Timoti 3:14 ပူးပေါင်းရင်းမြစ်များ

Failiiman 1:22

Wan neda ting, get wan ruum redi fi mi, kaaz mi a uop se Gad wi ansa unu prieya an sen mi bak tu unu.

1 Korintiyan 11:34

Ef sumadi onggri mek dem nyam a dem yaad, so dat wen unu gyada tugeda unu no bring dong jojment pan unuself. Wen mi kom, mi wi gi unu som muor ruul bout som ada tingz we mi waahn unu fi fala.

3 Jan 1:14

Mi suun kom luk fi yu, so wi kyan sidong an chat.

2 Jan 1:12

A nof sitn mi av fi tel unu, bot mi no waahn rait dem wid pen an piepa. Mi suun kom luk fi unu so wi kyan taak fies tu fies, dat wi mek wi riili api.

Iibruu 13:23

Mi waahn unu nuo se wi breda Timoti get let outa jiel. Ef im suun kom, mi wi bring im wid mi wen mi kom luk fi unu.

1 Timoti 4:13

Gwaan tiich an riid Gad wod out loud mek evribadi ier, an gwaan elp di piipl fi andastan dem til mi kom.

1 Tesaluoniyan 2:18

So, wi did waahn fi kom tu unu. Mi fi wan — Paal, mi chrai uova an uova bot Sietan blak wi.

1 Timoti 3:13

Piipl wi rispek di diikan dem we du wan gud jab, an kaaz piipl rispek dem, di diikan dem kyan taak bout dem chos iina Jiizas an no fried a notn.

1 Timoti 3:15

In kies sitn uol mi bak mi a rait fi mek yu nuo ou piipl we a paat a Gad fambili mos biyiev. Gad fambili a di choch an di choch a fi Gad we liv fi eva an eva. Di choch sopuot an uol op di chuut jos laik ou di foundieshan an di kaana puos uol op wan bildin.