1 Timoti 2:1 - Di Jamiekan Nyuu Testiment

¹ So fos ting fos, mi a beg yu an di piipl dem fi prie fi evribadi. Beg Gad fi kom chuu fi dem. Gi Gad tangks fi dem an aks im fi gi dem aal we dem niid.

1 Timoti 2:1 ပူးပေါင်းရင်းမြစ်များ

Aks 17:30

So fos taim wen piipl neva nuo Gad, im neva ponish dem. Bot nou im a aada evribadi evriwe fi ton we fram dem sin an beg Gad paadn,

Ruoman 1:8

Di fos ting mi waahn fi se a dat mi tangk Gad fi aal a unu. Mi kyan tangk im siek-a wa Jiizas Krais du fi di uol a unu. An mi tangk im fi unu kaaz unu biliiv an chos iina Jiizas Krais so moch dat piipl aal uova di worl a taak bout unu.

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

1 Korintiyan 15:3

Kaaz mi tel unu di muos impuotant paat a di mesij siem laik ou Gad tel mi. Mi tel unu se Jiizas Krais kom an ded fi wi an siev wi fram wi sin dem jos laik ou Gad wod did se im wuda du it

2 Korintiyan 8:6

So sins Taitos a di wan we did elp unu fi staat gyada op di sitn dem fi gi we, wi a push im fi go bak go finish di gud wok we im did staat.

Ifiijan 3:13

So, mi a beg unu, no bada fiil bad an fiil laik se unu waahn fi gi op, siek-a ou mi a sofa. No du dat, kaaz wa mi a sofa a fi unu uona gud.

Ifiijan 5:20

Unu fi gi tangks tu Faada Gad aal di taim fi evriting. Unu fi gi im tangks siek-a wa di Laad Jiizas du fi unu.

Ifiijan 6:18

An evritaim unu a prie, mek di Uoli Spirit liid unu. An no mata wa, no tap aks Gad fi elp unu an aal a im piipl iina evriting. Nou dat unu nuo aal a dem sitn ya, wach out an kip unu yai dem waid uopm aal di taim.

Filipiyan 1:3

Evritaim mi memba unu, mi gi Gad tangks fi unu.

Filipiyan 4:6

No wori wori op unuself bout notn. We unu fi du a prie tu Gad bout evriting, aks im fi we unu waahn, an gi im tangks fi evriting.

1 Tesaluoniyan 3:12

An wi prie se di Laad Jiizas wi elp unu fi lov unu wan aneda muo an muo an ada piipl tu, so unu wi lov piipl di siem wie ou wi lov unu.

2 Tesaluoniyan 1:3

Breda an sista, wi fi gi Gad tangks fi unu aal di wail — an dat a di rait ting tu. Wi fi gi tangks, kaaz unu a chos iina Gad muo an muo an a lov unu wan aneda muo an muo tu.

1 Timoti 2:4

Im waahn evribadi fi get siev an fi nuo di chuut.

1 Timoti 5:5

A di uman we ozban ded an we no av no fambili, a di wan di choch mos elp. Shi a di wan we chos iina Gad wid aal ar aat, prie nait an die, an aks Gad fi elp ar.

2 Timoti 2:24

An Jiizas Krais sorvant dem no fi fait; dem fi kain tu evribadi. Dem fi kyan tiich gud an wen dem a diil wid piipl dem fi tek dem taim wid dem.

Taitos 2:11

Gad shuo ou im lov wi iivn duo wi no dizorv it wen im mek wan wie fi piipl get siev.

Taitos 3:2

Dem no fi taak bad bout nobadi an dem no fi kwaril-kwaril. Insted-a dat, dem fi tek taim wid piipl an shuo rispek tu evribadi.

Iibruu 6:11

Muo dan notn els, wa wi waahn unu fi du, a gwaan du di sitn dem we unu a du wid aal a unu aat til unu ded. Da wie de, unu wi en op get di sitn dem we unu a luk faawod tu; di sitn dem we Gad av fi unu.

Jiemz 5:16

Ef unu sin, unu fi tel wan aneda wa unu du, an prie fi wan aneda so unu kyan get beta. Wen sumadi we liv rait prie, im prieya ful op a powa an wi mek gud sitn apm.