1 Timoti 1:20 - Di Jamiekan Nyuu Testiment

²⁰ Tuu piipl we dis apm tu a Aimeniyos an Aligzanda. Mi ton dem uova tu Sietan so dat dem wi lorn no fi kos Gad.

1 Timoti 1:20 ပူးပေါင်းရင်းမြစ်များ

Matyu 18:17

Ef di breda ar sista no waahn lisn di piipl dem we unu kyari, go tel di choch. An ef dem no pie dong tu di choch main, den diil wid dem laik ou unu wuda diil wid sumadi we no siev ar wan taks kalekta.

Aks 13:45

Wen di Juu dem si di kroud, dem get red yai an staat bad main Paal, an staat chat bout se wa im a se bout Jiizas a lai, an chat bad sitn bout Paal tu.

Aks 19:33

Som a di piipl iina di kroud tingk se Aligzanda a did di prablem, kaaz di Juu dem did push im op front. So im uol op im an fi di kroud kip kwaiyat so im kuda taak fi imself fi mek dem nuo se im an im fren dem neva du notn.

1 Korintiyan 11:32

Bot wen Gad ponish wi a tiich im a chrai fi tiich wi. Im waahn wi lorn wa rait so dat wen im kom bak fi joj di worl, wi naa go ded laik di piipl we no biliiv iina im.

2 Korintiyan 10:6

An wen wi si se unu a fala Krais Jiizas iina evri wie, wi wi redi fi ponish enibadi we naa fala wa im se.

2 Korintiyan 13:10

So mi a rait dem sitn ya tel unu wail mi no de de, so dat wen mi riich, mi no afi taak tu unu rof. Kaaz Gad gi mi di powa an di rait fi karek unu, bot im gi mi da powa de fi elp bil unu op, no fi tier unu dong.

2 Tesaluoniyan 3:15

Bot no chriit dem laik se dem a unu enimi, nuo man. Bot waan dem laik ou unu wuda waan unu uona breda an sista we biliiv iina Jiizas.

1 Timoti 5:15

Kaaz som a di yongga wan dem don ton we gaan fala Sietan.

2 Timoti 2:14

No mek nobadi figet dem sitn ya. Waan dem iina Gad niem fi tap fait uova wa som wod miin. Dem sitn de no elp nobadi. It onggl mash op di piipl dem we ier it.

2 Timoti 2:17

Fi dem mesij a-go pred laik gyanggriin. Aimeniyos an Filiitos a tuu a dem kain-a piipl de.

2 Timoti 3:2

Piipl onggl a-go bizniz wid demself an dem a-go lov moni. Dem a-go gwaan buosi-buosi an ful-a demself. Dem a-go kos out an biit op biit op dem wan aneda an dem naa go fala wa dem mada an faada se. Piipl naa go gi tangks fi notn an dem naa go av notn fi du wid Gad.

Iibruu 12:5

A memba unu no memba wen Gad did taak tu unu kaaz unu a im pikni, an tel unu tingz we mek unu aat chrang? Iihn? “Mi pikni, wen mi ponish unu fi mek unu si se unu du sitn rang, unu no fi tek it laik se a no notn, an no bada gi op kaaz mi rof unu op an set unu chriet,

Revilieshan 13:1

Wen mi luk mi si wan wail animal a kom outa di sii. It av ten aan an sevn ed, wid ten likl kroun pan im aan dem, an pan evri wan a im ed dem im av wan niem we se som torbl sitn bout Gad.

Revilieshan 3:19

Di piipl we mi lov, mi taak tu dem aad an chrietn dem out an mek dem nuo se we dem a du rang. So get siiros an ton we fram unu sin dem an shuo se unu sari.