1 Timoti 1:2 - Di Jamiekan Nyuu Testiment

² Timoti, yu komiin laik se yu a riili fi mi pikni kaaz di tuu a wi biliiv an chos iina di siem Gad. Mi prie se wi faada Gad an wi Laad Jiizas Krais wi gud an kain tu yu, shuo yu lov iivn duo wi no dizorv it an gi yu piis iina yu aat.

1 Timoti 1:2 ပူးပေါင်းရင်းမြစ်များ

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

Gyalieshan 1:3

Mi prie se wi Faada Gad an wi Laad Jiizas Krais wi shuo unu lov iivn duo wi no dizorv it an gi unu piis iina unu aat.

1 Tesaluoniyan 3:2

An wi sen Timoti tu unu. Timoti wi breda, we a wok wid Gad an a priich di Gud Nyuuz bout Krais Jiizas. Wi sen im fi bil unu op iina wa unu biliiv, an fi mek unu kyan uol aan,

1 Timoti 1:12

Mi afi tangk wi Laad Jiizas Krais di wan we gi mi chrent kaaz im chos mi fi bi im apasl.

1 Timoti 1:18

Timoti, mi bwai pikni, mi a chos yu fi du wa mi tel yu fi du. Wa mi a tel yu a di sed sitn dem di prafit dem di se bout yu. So memba aal a wa dem se, so yu wi no gi op bot fait laik wan riil suoja,

1 Timoti 6:20

So Timoti, gyaad di sitn dem we Gad gi yu fi tek kier a. Mek shuor yu kip dem sief. Stie faar fram taak we no av notn fi du wid Gad. No lisn tu di fuulinish wa som piipl taak chuu dem tingk dem waiz. Dem waahn fi kaal we dem a se nalij bot a no nalij dat.

2 Timoti 1:2

Timoti, yu komiin laik mi uona pikni we mi lov, mi prie se Faada Gad an wi Laad Jiizas Krais wi shuo yu lov iivn duo wi no dizorv it, mi prie tu se im wi gud an kain tu yu an gi yu piis iina yu aat.

2 Timoti 2:1

So yu, Timoti, we komiin laik mi pikni, mek di lov we Krais Jiizas gi iivn duo wi no dizorv it, kip yu chrang.

Taitos 1:4

Taitos chuu mi an yu biliiv iina Jiizas, it komiin laik se yu a fi mi pikni. Mi prie se Faada Gad an wi Laad Jiizas wi shuo yu lov iivn duo wi no dizorv it. Mi prie se dem wi gi yu piis.

Taitos 2:2

Tel di uolda man dem se dem no fi go uova buod wid notn. Dem fi kanchuol demself an liv so piipl kyan rispek dem. Di uolda man dem fi eva chrang iina wa dem biliiv, aalwiez shuo lov an neva gi op.

Taitos 3:15

Evribadi we de ya wid mi sen dem lov. Tel aal a Gad piipl we de dong de wid yu, oudi! Mi prie se Gad wi shuo unu lov iivn duo wi no dizorv it.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.

2 Jan 1:3

Mi prie se Faada Gad an Jiizas Krais, im Bwai Pikni, wi shuo wi lov iivn duo wi no dizorv it. Mi prie tu se im wi gud an kain tu wi, an gi wi piis iina wi aat. Dem sitn ya wi tan wid wi we lov wi wan aneda, an we nuo di Gud Nyuuz we chuu.

3 Jan 1:4

Notn no mek mi api so laik wen mi ier se mi pikni dem a liv ou di Laad se dem fi liv — azkaadn tu di chuut.

Juud 1:2

Mi prie se Gad wi gud an kain tu unu, sekl unu aat, an gi unu nof nof lov.