1 Timoti 1:12 - Di Jamiekan Nyuu Testiment

¹² Mi afi tangk wi Laad Jiizas Krais di wan we gi mi chrent kaaz im chos mi fi bi im apasl.

1 Timoti 1:12 ပူးပေါင်းရင်းမြစ်များ

Matyu 20:4

So im go tu dem an se, ‘Unu gwaan dong a di griep faam tu, an mi wi pie unu wat-eva unu fi get.’

Jan 5:23

so dat evribadi kyan rispek di Bwai Pikni iina di sed wie dem rispek di Faada. Enibadi we no rispek di Bwai Pikni no rispek di Faada we sen im.

Aks 16:15

Afta shi an di piipl we liv a ar ous get baptaiz, shi beg wi fi kom a ar yaad. Shi se, “Ef unu tek mi fi wan a di Laad piipl we riili biliiv iina im, kom tan a mi yaad.” Shi win wi uova, so wi go wid ar.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Aks 9:22

Bot Gad gi Saal muor an muor powa fi priich. Im did a pruuv fram Gad wod se Jiizas a di wan we Gad sen fi siev piipl. An di Juu dem we liv iina Damaskos did kanfyuuz kaaz dem kudn fain notn rang wid wa im did a tiich.

1 Korintiyan 15:10

Bot a chuu Gad gud an kain tu mi mek mi kyan du wa mi a du nou, an aal we im du fi mi, a no fi notn. Mi wok aada dan aal a di ada apasl dem. Bot mi neva du it pan mi uon, Gad elp mi fi du it, kaaz im gud an kain tu mi.

1 Korintiyan 3:5

Afta aal, uu a Apalos? An uu a Paal? A wi kom priich tu unu an mek unu biliiv bot di tuu a wi did onggl a du wa Gad se wi fi du. Wi a onggl Gad sorvant.

1 Korintiyan 7:25

Nou fi di piipl dem we neva av seks wid nobadi yet, Gad neva gi mi no ruul fi unu. Bot Gad gud an kain tu mi an im elp mi so moch dat unu kyan chos wa mi bout fi tel unu.

2 Korintiyan 4:1

Gad, chuu im gud an kain, gi wi da wok ya fi du, an so wi naa gi op.

Gyalieshan 3:26

Nou aal a unu a Gad pikni kaaz unu biliiv an chos iina Jiizas Krais.

Gyalieshan 3:28

Unu no plit op no muor. Unu no av piipl we a Juu an piipl we a no Juu ar piipl we a sliev an piipl we frii. It no iivn mata ef unu a man ar uman, aal a unu a wan kaaz aal a unu biliiv iina Jiizas.

Filipiyan 2:11

an so dat evribadi wi afi go taak wid dem uona mout mek piipl ier, se, “Jiizas Krais a fi dem Laad.” An wen dem se dat, Faada Gad wi get big op an nof rispek.

Filipiyan 4:13

Mi kyan du eniting, kaaz Krais Jiizas gi mi di powa fi du it.

Koloshan 1:25

Mi de bout fi sorv di choch, kaaz Gad pik mi fi du it. Im pik mi fi elp unu an fi mek unu kyan nuo evri piis a im mesij.

1 Timoti 1:1

Timoti, dis a Paal, Jiizas Krais apasl. A di Gad we siev wi an Jiizas Krais di wan we mek wi kyan luk fi get aal kain-a gud sitn, aada mi fi bi wan apasl.

1 Timoti 1:11

an we lain op wid di Gud Nyuuz bout wa Gad du fi wi wen im sen im Bwai Pikni fi siev wi. A da siem powaful Gud Nyuuz ya, Gad, di wan we piipl fi priez, se mi fi tiich.

1 Timoti 1:2

Timoti, yu komiin laik se yu a riili fi mi pikni kaaz di tuu a wi biliiv an chos iina di siem Gad. Mi prie se wi faada Gad an wi Laad Jiizas Krais wi gud an kain tu yu, shuo yu lov iivn duo wi no dizorv it an gi yu piis iina yu aat.

1 Timoti 6:13

Infronta Gad we gi evriting laif an Jiizas Krais we tan op tu Ponchos Pailat an se wa im biliiv, mi a tel yu

2 Timoti 2:2

Yu si di sitn dem wa yu ier mi tiich an priich bout Jiizas Krais infronta nof piipl, yu fi tiich it tu piipl we yu kyan chos an we kyan tiich tu. Tiich it tu dem so dat dem kyan go tiich ada piipl.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.

Taitos 1:4

Taitos chuu mi an yu biliiv iina Jiizas, it komiin laik se yu a fi mi pikni. Mi prie se Faada Gad an wi Laad Jiizas wi shuo yu lov iivn duo wi no dizorv it. Mi prie se dem wi gi yu piis.

Failiiman 1:9

Bot siek-a ou yu lov Gad piipl mi a beg yu insted. Mi, Paal, wan oul man an we nou iina prizn kaaz mi tiich bout Jiizas.