1 Timoti 1:10 - Di Jamiekan Nyuu Testiment

¹⁰ It mek fi di man dem we av seks wid ada man, ar uman we av seks wid ada uman, an fi piipl we tek paat iina aal kain-a seks sin. Di Laa a fi di wan dem we kech an sel piipl fi ton sliev, an fi piipl we a laiyad an piipl we go a kuot go tel lai pan ada piipl. Matarafak it a fi enibadi we go gens di chuu mesij we wi tiich,

1 Timoti 1:10 ပူးပေါင်းရင်းမြစ်များ

Jan 8:44

Unu bilang tu unu faada, di devl, an unu waahn fi du di sitn dem we unu faada waahn unu fi du. Im did a mordara fram di staat, an na'av notn fi du wid di chuut, kaa im no se ar av notn fi du wid di chuut. Wen im tel lai, im jos a taak ou im tan, kaa im a laiyad an im a di faada fi aal lai.

Ruoman 1:26

An kaaz dem a du dem sitn de, Gad lef dem fi bring don shiem pan demself. Im lef dem fi tek paat iina aal kain-a seks sin. An so di uman dem tap du we naamal — dem tap sliip wid man an go staat sliip wid uman.

1 Timoti 4:6

Timoti, yu wi bi wan gud sorvant fi Jiizas Krais ef yu tiich di piipl di chuut bout dem sitn ya, gwaan kip di chuu mesij bout Krais Jiizas kluos tu yu aat an gwaan fala di chuu sitn dem we mi did tiich yu.

1 Timoti 6:3

Ef enibadi tiich notn we no ad op wid we wi Laad Jiizas tiich wi an ou Gad se wi fi liv, ar wos, a tiich se Gad wod a no chuu,

2 Timoti 1:13

Yu si di sitn dem we mi tiich, tek kier an fala dem, no tiich notn difrant. Yu fi du dis wid di sitn dem we wi biliiv an we Jiizas Krais gi wi an wid di lov we im gi wi tu.

2 Timoti 4:3

Kaaz wan taim a-go kom wen piipl naa go put op wid ar lisn tu wa Gad piipl a tiich. Insted-a dat, fi mek demself api, dem a-go luk fi di tiicha dem we wi tel dem wa dem waahn fi ier, kaaz dem lov ier nyuu sitn.

Taitos 1:13

Im neva did a lai wen im se so. Dat miin se yu afi set dem chriet an karek dem aad aad, so dat dem wi biliiv iina di chuut

Taitos 1:9

Di elda mos uol aan chrang pan di riil mesij bout Jiizas, we wi tiich. Im afi du dis so im kyan tiich piipl di rait sitn an karek di wan dem we a tiich di rang sitn.

Iibruu 13:4

Evribadi fi rispek marid laif, ozban an waif mosn go sliip wid nobadi els — dem fi kip dem bed kliin. Kaaz di piipl dem we dabl iina seks sin, an we sliip wid piipl dem no marid tu, Gad a-go joj dem.

Juud 1:7

A siem so Sadam an Gomaro an di piipl dem we liv nier dem tek paat iina aal kain-a seks sin an ron aafa aal kain-a naasinis. Gad bon dem op wid faiya we a-go bon fi eva an eva mek evribadi si wa wi apm ef dem fala dem wikid piipl de.

Revilieshan 18:13

Nobadi naa go bai dem siniman, spais, insens, dier ail we dem kaal mor, ar dem swiit powda we dem kaal frangkinsens. Dem wain, aliv ail, speshal flowa an wiit, nobadi naa go bai dem. Dem kou, shiip, aas an bogi, an di piipl we dem tek ton sliev, nobadi naa go bai dem.

Revilieshan 21:27

Notn we no kliin, nobadi we du wikid an torbl naasinis, an nobadi we tel lai kyan go iina di siti. Onggl di piipl dem uufa niem rait dong iina di buk we di Biebi Shiip av kyan go iin de. A iina da buk de Gad rait dong di niem a di piipl dem we a-go liv fi eva an eva.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”

Revilieshan 22:15

Bot di piipl dem we mek demself doti wid aal kain-a naasinis kyaahn go iina di siti: piipl we wok uobiya, du aal kain-a seks sin, kil piipl, worship faalz gad, an piipl we lov fi tel lai, non a dem kyaahn go iina di siti.