1 Tesaluoniyan 5:9 - Di Jamiekan Nyuu Testiment

⁹ Kaaz Gad neehn put wi ya, so im kuda mek wi sofa, bot im du wa im du so di Laad Jiizas Krais kuda siev wi.

1 Tesaluoniyan 5:9 ပူးပေါင်းရင်းမြစ်များ

Matyu 26:24

Di Man we Gad Pik mos go siem ou Gad wod se im a-go go, bot yu si di man we sel im out — chobl fi'im mi tel yu! Im wuda betaraaf ef im neehn baan.”

Aks 1:20

“Kaaz it rait dong iina di buk we niem Saamz se, “‘Mek im ous emti out an nobadi no liv de,’ an, “‘Mek sumadi els tek fi'im plies an du di wok we im shuda du.’

Aks 1:25

fi tek uova di apasl wok we Juudas did av. Kaaz Juudas get wa im dizorv.”

Aks 13:48

Wen di piipl we a no Juu ier dis, dem api so til. Dem gi tangks an priez fi Gad mesij. An aal a di wan dem we Gad did pik fi liv fi eva, biliiv di mesij an get siev.

Ruoman 11:30

A siem so unu we a no Juu, unu neva yuus tu fala wa Gad se, bot Gad mek op im main fi gud an kain tu unu kaaz di Juu dem neva did a fala wa im se.

Ruoman 11:7

So den, wa wi kyan jraa fram aal a dat? Di sitn dem we di Izrel piipl did a luk fa aad aad, dem neva fain it, bot di piipl we Gad pik, dem did fain it. Di res a dem, Gad mek dem ton dem aat gens im.

1 Tesaluoniyan 1:10

An dem taak bout ou unu a wiet fi Jiizas, Gad Bwai Pikni, fi kom fram evn. Jiizas, we Gad mek kom bak alaiv. Jiizas, we siev wi fram Gad jojment we a kom.

1 Tesaluoniyan 3:3

so dem sofarieshan ya kyaahn shiek op non a unu. Kaaz unu siem wan nuo se a dat Gad plan fi wi.

1 Timoti 1:13

Im pik mi iivn duo mi yuus tu kos im an taament im piipl dem. Duo mi did wikid, im di stil gud an kain tu mi kaaz im si se dem taim de mi neva biliiv iina im an mi neva riili nuo wa mi did a du.

1 Timoti 1:16

Gad did gud tu mi so Jiizas Krais kuda shuo ou im tek taim wid piipl. Jiizas put op wid sumadi laka mi, so ada piipl we a-go biliiv iina im an get fi liv fi eva an eva, wi si se im riili riili tek taim wid piipl.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

1 Piita 2:10

Wan taim unu a neva Gad piipl bot nou unu a fi im uon. Im neehn yuus tu av piti pan unu bot nou im gud an kain tu unu.

1 Piita 2:8

an wan neks paat iina Gad wod se, “Dis a wan stuon we kaaz man fi tombl dong — wan rak we wi chrip dem.” Dem tombl dong a grong kaa dem neva fala wa Gad se. An dat a wa Gad did plan fi dem.

2 Piita 1:1

Mi a Saiman Piita, wan a Jiizas Krais sorvant an apasl dem. Mi a wan a di twelv man dem we did a waak wid im. Mi a rait aal a unu we wi Gad, an Jiizas Krais di wan we siev wi, mek biliiv iina im. Im siev wi so unu kuda get fi biliiv iina im jos laik ou wi biliiv iina im. An im du dat kaaz im no paashal at aal at aal, bot kaaz im gud an kain.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

Juud 1:4

Kaaz som man slip iina unu choch anda di kwaiyat. Dem man de maak fi get mash dong fram wie bak wen, an a dat mi a-go tel unu bout. Dem man de no av notn fi du wid Gad. Kaaz Gad lov piipl iivn duo dem no dizorv it, dem yuuz dat fi du aal kain-a wikidnis an ton gens Jiizas Krais, wi onggl maasta an Laad.