1 Tesaluoniyan 5:7 - Di Jamiekan Nyuu Testiment

⁷ Kaaz aal uu sliip — sliip a nait taim. An dem de we jongk aaf demself — a nait taim dem get jongk.

1 Tesaluoniyan 5:7 ပူးပေါင်းရင်းမြစ်များ

2 Piita 2:13

An fi aal a di bad sitn dem we dem du, som bad sitn a-go riich dem. Wa dem kaal fon, a fi du eniting we dem badi waahn, an dem a du dem sitn de iina braad die lait tu! Dem a piis a shiem an disgries, an a shiem an disgries dem a-go bring dong pan unu wen dem kom fi iit fuud wid unu an a galang dem siem kain-a wie de.

Ruoman 13:13

So mek wi liv ou wi nuo wi fi liv, mek wi liv laik piipl we iina di lait, no laik piipl we iina di daak. Wi no fi tek paat iina no wail seks paati an wi no fi jringk til wi jongk. Wi no fi a sliip roun sliip roun ar a tek paat iina no kain-a seks sin. Unu no fi lov fait an unu no fi red yai fi ada piipl tingz.

1 Korintiyan 15:34

Unu fi wiek op, tek kanchuol a unuself an tap sin. Unu shuda shiem, kaaz som a unu no nuo Gad at aal.

Aks 2:15

Dem piipl ya no jongk laik unu tingk. A jos nain aklak a maanin!

Ifiijan 5:14

Lait shuo op evriting an mek wi si wa dem riili komiin laik. A dat mek Gad wod se, “Unu we a sliip, wiek op, man. Aal a unu we ded, kom bak alaiv, an mek Krais Jiizas shain pan unu laka lait.”

Jan 2:10

Di manija kaal di man an se tu im se, “Wen ada piipl a get marid, dem shier out di bes wain fos. An afta di piipl dem jringk an jongk aaf, a dat de taim de dem shier out di chiip wain. Bot yu nou, yu shier out di bes wain laas!”

Ifiijan 5:18

No bada jringk chrang jringk an get jongk an galang bad an gwaan wid aal kain-a naasinis. Wa unu fi du a mek di Uoli Spirit tek kanchuol a unu laif.