1 Tesaluoniyan 5:4 - Di Jamiekan Nyuu Testiment

⁴ Bot, breda an sista, unu nuo tu moch fi di die wen di Laad kom, kom fraitn unu laik tiif iina nait.

1 Tesaluoniyan 5:4 ပူးပေါင်းရင်းမြစ်များ

1 Jan 2:8

Bot wen unu tingk bout it, iina wan wie, a riili wan nyuu laa mi a rait gi unu. It nyuu siek-a wa Jiizas did du an kaaz unu a liv unu laif fi fala im. Rait ya nou di daaknis a go we, an di riil lait staat shain aredi.

2 Piita 3:10

Bot jojment die a-go kom wen wi naa ekspek it — jos laik ou tiif kom. Pan da die de, evn a-go disapier — braps — wid wan loud loud naiz. An evriting we mek op di yuunivors, di son, di muun, di staar an aal a dem sitn de a-go bon op, an di ort an evriting we piipl du pan it a-go bon op tu.

Koloshan 1:13

Daaknis did ruul uova wi, an Gad kom siev wi fram di daaknis an bring wi wich paat im Bwai Pikni a-go ruul uova wi — im Bwai Pikni we im lov,

Revilieshan 3:3

So memba di mesij we unu did ier an biliiv; du we it se, ton we fram unu sin. Ef unu no wiek op, mi a-go kom tu unu laik wan tiif, an unu naa go nuo di taim wen mi a-go kom gens unu.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Matyu 10:15

Mi naa lai, pan jojment die, di ponishment we Sadam an Gomaro a-go get a-go iiziya dan da toun de.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

1 Tesaluoniyan 5:2

Kaaz unu don nuo se di die wen di Laad a kom bak a-go kom iin sodn, jos laik wan tiif iina di nait.

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”