1 Tesaluoniyan 5:27 - Di Jamiekan Nyuu Testiment

²⁷ Mi a tel unu iina di Laad niem se unu fi riid da leta ya tu aal a di breda an sista dem.

1 Tesaluoniyan 5:27 ပူးပေါင်းရင်းမြစ်များ

Koloshan 4:16

Afta sumadi riid da leta ya tu unu, mek shuor se sumadi riid it fi di piipl dem a Leyodiisiya we biliiv iina Gad. An unu fi riid di leta we mi sen go gi dem.

1 Timoti 5:21

Gad, Jiizas Krais an di uol a di ienjel dem we Gad pik a mi witnis, du wa mi tel yu fi du. Du it an mek shuor se yu chriit evribadi di siem wie. No av no fievrit.

1 Timoti 5:7

Mek shuor di choch andastan dem sitn ya so nobadi kyaahn av notn bad fi se bout dem.

1 Timoti 1:3

Wen mi did a go Masiduoniya, mi beg yu fi tan a Efisos so yu kyan waan di piipl dem we naa tiich Gad wod fi tap pred faalz wod.

Aks 19:13

An yu did av som Juu we did a go roun an a chrai fi aada diiman fi kom outa piipl. Dem did a yuuz di Laad Jiizas niem fi du it, so dem wuda se, “Iina di niem a Jiizas Krais we Paal priich, mi a aada yu fi kum outa da sumadi ya.”

Maak 5:7

Den im baal out pan tap a im vais se, “Lef mi no Jiizas, di Muos Ai Gad Bwai Pikni! Mi a beg yu, fi Gad siek, no mek mi sofa!”

Matyu 26:63

Bot Jiizas no se notn. Di liida fi di priis dem se tu im se, “Infronta di Gad we liv, mi de kaal pan yu fi taak chuut, yu a di Krais, Gad Pikni?”

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

2 Timoti 4:1

Wen Jiizas di King kom bak fi ruul, im a-go joj di piipl dem we a liv an di piipl dem we ded. So infronta Gad an Jiizas Krais, mi a beg yu

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

1 Timoti 6:13

Infronta Gad we gi evriting laif an Jiizas Krais we tan op tu Ponchos Pailat an se wa im biliiv, mi a tel yu

1 Timoti 1:18

Timoti, mi bwai pikni, mi a chos yu fi du wa mi tel yu fi du. Wa mi a tel yu a di sed sitn dem di prafit dem di se bout yu. So memba aal a wa dem se, so yu wi no gi op bot fait laik wan riil suoja,

2 Tesaluoniyan 3:14

An ef sumadi no fala wa wi se iina da leta ya maak dem fies, an no diil wid dem so dem fiil shiem.

1 Tesaluoniyan 2:11

An unu nuo se wi diil wid evri wan a unu laik ou wan faada chriit im uona pikni dem.

Aks 1:15

Iina dem die de, wen di biliiva dem gyada op fi wan a dem miitn, (bout onjrid an twenti a dem did de de), Piita tan op