1 Tesaluoniyan 5:19 - Di Jamiekan Nyuu Testiment

¹⁹ No uol dong ar shot op di Uoli Spirit.

1 Tesaluoniyan 5:19 ပူးပေါင်းရင်းမြစ်များ

Ifiijan 4:30

No du notn fi mek Gad Uoli Spirit afi baal. A im liv iina unu an put im speshal maak pan unu fi shuo se unu bilang tu Gad an se wan die Gad a-go frii unu kaaz a dat im siev unu fa.

Aks 7:51

“Unu piipl, unu stoban, an aad-iez an no waahn lisn tu Gad mesij. Unu aat komiin jos laik di piipl dem we no biliiv iina Gad. Unu eva a-go gens wa di Uoli Spirit waahn, siem laik we unu faada faada dem did du!

2 Timoti 1:6

Siek-a dat yu mos mek shuor se yu gwaan yuuz di gif we Gad gi yu wen mi did put mi an dem pan yu an prie.

1 Timoti 4:14

No figet bout di gif we di Uoli Spirit gi yu, mek shuor se yu yuuz it. A da gif de yu did get wen di prafit dem did taak uova yu an di elda dem did put dem an pan yu an prie.

Ifiijan 6:16

An pan tap a aal a dat, mek wa unu biliiv protek unu siem laik ou suoja shiil out di faiya aro dem we dem enimi shuut aafa dem.

1 Korintiyan 14:30

Ef sumadi a taak tu di choch, an Gad shuo sumadi els we sidong iina choch sopm nyuu, we nobadi neva nuo bout bifuo, di wan we a taak fi tap an mek di ada wan tel di piipl wa Gad shuo im.

1 Tesaluoniyan 5:20

No se di mesij we piipl kliem se dem get fram Gad a fuulinish,