1 Tesaluoniyan 5:12 - Di Jamiekan Nyuu Testiment

¹² Breda an sista, nou wi a beg unu fi rispek di piipl dem we a wok aad mongks unu, an we a liid an tiich unu.

1 Tesaluoniyan 5:12 ပူးပေါင်းရင်းမြစ်များ

Iibruu 13:17

Lisn wa unu liida dem se, an du wa dem tel unu fi du. Kaaz dem a-go afi ansa tu Gad an tel im bout ou dem did tek kier a unu. So du fi unu paat, so dem wi api fi du di wok an dem fies no afi lang dong, kaaz ef dat apm, dat naa go elp unu at aal.

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

1 Korintiyan 16:18

An dem mek mi aat api siem laik ou dem mek fi unu aat api. So lisn gud tu wa piipl laik dem av fi se.

1 Korintiyan 16:16

breda an sista fi fala wa dem piipl de se, an no jos we dem se bot wa enibadi we wok wid dem se tu.

1 Korintiyan 15:10

Bot a chuu Gad gud an kain tu mi mek mi kyan du wa mi a du nou, an aal we im du fi mi, a no fi notn. Mi wok aada dan aal a di ada apasl dem. Bot mi neva du it pan mi uon, Gad elp mi fi du it, kaaz im gud an kain tu mi.

Taitos 1:3

Wen di taim did rait, di Gad we siev wi, mek mi nuo bout da pramis ya an im sen mi fi go tel evribadi bout it.

1 Tesaluoniyan 5:14

An breda an sista, wi beg unu fi waan di aiglaz dem we no waahn wok; elp di wan dem we friedi-friedi fi get briev, an elp di wan dem we wiik iina eni kain-a wie tu. An beg unu du, tek unu taim wid evribadi.

1 Korintiyan 12:28

Evribadi av wan plies iina Gad choch. A di tap tap pozishan yu av di apasl dem. Afta dat yu av di prafit dem, den di tiicha dem, di piipl dem we wok mirikl an piipl we mek sik piipl get beta. Afta dem de piipl de, yu av di piipl dem we lov fi elp ada piipl, den di wan dem we elp fi kip di choch iina aada an afta dem yu av di piipl we taak iina tongz.

1 Korintiyan 3:9

Mi an Apalos, wi a jos Gad sorvant an di tuu a wi a wok tugeda fi Gad. Bot unu, unu a Gad fiil we wi a plaant op, unu a Gad bildin.

Aks 20:35

Iina evriting we mi du mi shuo unu se wi afi wok aad so wi kyan av inof fi shier wid di wan dem we no av notn. An unu fi memba wa wi Laad Jiizas se, im se, ‘Ef yu gi sumadi sopm, it mek yu muo api dan ef sumadi gi yu sopm.’ ”

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Luuk 10:7

Di man we lov piis an tek unu iin, a fi'im yaad unu fi tan. Nyam an jringk wa dem gi unu, kaaz ef sumadi wok dem fi get pie. Unu fi tan a wan yaad an no muuv fram yaad tu yaad.

Revilieshan 1:20

Di sevn staar dem we yu si iina mi rait an, an di sevn guol sitn dem fi uol kyanggl, dis a wa dem miin: di sevn staar dem a di liida dem fi di sevn choch dem, an di sevn sitn fi uol kyanggl a di sevn choch dem.”

Taitos 1:5

Taitos, mi lef yu a Kriit so yu kuda saat out aal di sitn dem we did lef fi du, an fi pik elda put iina evri toun, laik mi did se.

2 Timoti 2:6

An di faama we wok aad, shuda di fos fi iit we gruo iina di fiil.

Koloshan 1:29

A dis mi a wok fa. Mi a wok aad aad. Mi onggl kyan du dis kaaz Krais Jiizas gi mi powa fi du it.

Filipiyan 2:16

Unu fi tel di piipl dem Gad mesij — Gad mesij bout ou dem kyan get di laif we mek dem liv fi eva an eva. Unu fi du dat, so dat wen Krais Jiizas kom baka ort, mi wi kyan buos bout unu se mi neehn ron ar wok so aad mongks unu fi notn.

Gyalieshan 4:11

Mi fried fi unu. Yu miin se aal a di wok we mi du — aal di tiich mi did tiich unu — aal a dat a fi notn?

2 Korintiyan 11:23

Dem a Krais Jiizas sorvant? (Mi a taak laik wan riil madman nou.) Mi a muor Krais sorvant dan dem. Mi wok aada dan dem. Mi get lak op iina prizn nof muor taim dan dem. Mi get nof muor biitn dan dem an a nof taim mi aalmuos ded.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

2 Korintiyan 5:9

An so, wi mek shuor se evriting wi du a fi mek Gad api weda wi a liv pan ort ar wi de iina evn wid im.

Revilieshan 3:14

An den im se, “Rait da leta ya go gi di liida fi di choch we iina Leyodiisiya an tel im se: Da mesij ya a kom fram di wan we niem di Iemen, di wan we aalwiez shuo wi di chuut bout Gad, an a im Gad yuuz fi mek evriting.

Revilieshan 3:7

Im se tu mi agen se, “Rait da leta ya go gi di liida fi di choch we iina Filidelfiya an tel im se: Da mesij ya a kom fram di wan we uoli an we aalwiez du we Gad waahn im fi du. A im av King Dievid kii we shuo se im av di powa fi ruul. Wa im uopm nobadi kyaahn shot, an wa im shot nobadi kyaahn uopm.

Revilieshan 3:1

An im se tu mi agen se, “Rait da leta ya go gi di liida fi di choch we iina Saadis an tel im se: Di wan we av Gad Uoli Spirit an we uol di sevn staar dem se, mi nuo evriting bout unu. Piipl tingk se unu a fala mi, bot unu riili naa fala mi at aal.

Revilieshan 2:18

“Rait da leta ya sen go gi di liida fi di choch we iina Taiyataira. Tel im se: Faada Gad Bwai Pikni, di wan uufa yai dem shain brait laik wan faiya we a bliez, uufa fut dem shain brait laik branz we dem bon iina faiya fi get out aal wa no fi iina it an we dem rob til it shain shain, im se,

Revilieshan 2:12

“Rait da leta ya sen go gi di liida fi di choch we iina Porgamom an tel im se: Di wan we av di suod we di tuu said dem wel shaap se fi tel im se,

Revilieshan 2:8

“Rait da leta ya go gi di liida fi di choch we iina Simorna an tel im se: Di Laad Gad se: Mi a di fos an mi a di laas — evriting staat wid mi, an evriting don wid mi. Mi a di wan we alaiv, di wan we de bout fram wie bak wen, an di wan we a-go kom baka ort.”

Revilieshan 2:3

Unu tan op chrang an no gi op wen chobl tek unu, an unu go chuu nof sofarieshan siek-a ou unu biliiv iina mi. An unu aalwiez fala mi, unu neva get taiyad an gi op.

1 Tesaluoniyan 2:9

Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

Jan 4:38

Mi sen unu out fi gyada op wa unu no wok aad fi plaant. Ada piipl du di aad wok, an unu onggl a go iin an a gyada op wa dem wok aad fi plaant.”

Taitos 2:15

Mek shuor se yu tel evribadi dem sitn ya. Yuuz di powa we Gad gi yu fi push di piipl dem fi fala di chuut an fi karek dem. An no mek nobadi put yu dong ar se yu a wan bad tiicha an no pie yu no main.

1 Timoti 5:20

Di elda dem we sin duo, unu fi karek dem infronta evribadi. Unu mos du dis fi waan di res a piipl dem.

1 Timoti 5:1

No disrispek di uol man dem iina di choch an taak tu dem eni an eni wie. Taak tu dem laik ou yu wuda taak tu yu faada. Taak tu di yong bwai dem laik dem a yu breda.

Filipiyan 2:19

Mi prie se wi Laad Jiizas wi lou mi fi sen Timoti tu unu suun, so dat dem kyan kom bak an tel mi ou unu a du, an so dat mi no afi wori bout notn.

Ruoman 16:6

Mieri we wok aad aad fi unu, tel ar oudi.

Ruoman 16:12

Tel Chraifiina an Chraifuosa we a wok fi di Laad oudi fi mi an mi waahn fi sen oudi fi mi gud gud fren Porsis tu. Porsis wok aad aad fi di Laad.

1 Tesaluoniyan 4:1

Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.