1 Tesaluoniyan 4:9 - Di Jamiekan Nyuu Testiment

⁹ Nou fi taak bout ou unu fi lov unu breda an sista dem we biliiv iina Jiizas, mi no niid fi rait an tel unu bout dat, kaaz Gad imself don tiich unu ou fi lov unu wan aneda.

1 Tesaluoniyan 4:9 ပူးပေါင်းရင်းမြစ်များ

Matyu 22:39

Di sekan wan tan laik it. It se, ‘Yu fi lov yu nieba siem laik ou yu lov yuself.’

Jan 14:26

Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

Aks 4:32

Aal a di piipl we biliiv iina Jiizas a did wan iina dem aat an main. Nobadi neva se, ‘Notn mi av a fi mi wan.’ Bot dem shier aal wa dem av mongks dem wan aneda.

Ruoman 12:10

Lov unu wan aneda laik breda an sista an unu fi aalwiez put unu breda an sista bifuo unuself.

2 Korintiyan 9:1

So nou, mi nuo se mi neva afi rait unu bout di sitn dem we unu a gyada op fi sen go Judiya fi di Juu dem we staat biliiv iina Krais Jiizas.

Filipiyan 3:15

So aal a wi we tingk di wie Krais Jiizas waahn wi fi tingk, wi fi gwaan tingk da wie de. Bot ef non a unu no si tingz da wie de, Gad wi shuo unu an mek unu andastan wa mi se.

1 Tesaluoniyan 5:1

Breda an sista, mi no afi rait unu bout di taim an di die wen dem sitn de a-go apm.

Iibruu 10:16

“Di Laad se, ‘Likl muo fram nou, dis a di diil we mi a-go mek wid dem: Mi a-go put mi laa iina dem ed an rait it dong pan dem aat, so dem wi andastan it an lisn we mi se.’”

Iibruu 13:1

Unu mos gwaan lov di breda an sista dem we biliiv iina Gad jos laik unu.

1 Piita 3:8

Dis a di laas ting mi a se ya-so. Di uol a unu fi kom tugeda laik se unu a wan sumadi an chrai fi andastan wa unu wan aneda a go chuu. Unu fi lov unu wan aneda laik ou breda an sista lov dem wan aneda. Unu mos kip unu wan aneda neks tu unu aat an shuo umoch unu kier fi dem. An unu mos ombl unuself mongks unu wan aneda tu.

1 Piita 4:8

An muo dan notn els unu fi riili lov unu wan aneda aal di taim an wid aal a unu aat. Kaa lov kova op sin, no mata ou it mait-a uol iip.

2 Piita 1:7

An no jos dat, bot unu fi lov an kier bout unu wan aneda tu. An pan tap a aal a dat unu fi lov evribadi fram di batam a unu aat.

1 Jan 2:10

Bot enibadi we lov dem breda an sista a liv iina di lait an no av notn iina dem laif fi mek nobadi sin.

1 Jan 3:11

Dis a di mesij wi ier fram di staat: wi fi lov wan aneda.

1 Jan 3:23

Dis a wa Gad se wi fi du, wi fi biliiv iina Jiizas Krais, im Bwai Pikni, an wi fi lov wi wan aneda tu.

1 Jan 4:21

Gad tel wi se enibadi we lov im mos lov dem breda an sista tu.