1 Tesaluoniyan 4:6 - Di Jamiekan Nyuu Testiment

⁶ An unu mosn chriit unu breda an sista dem iina wan wie we no rait. Unu no fi tek advaantij a dem. Kaaz di Laad a-go ponish piipl fi aal a dem kain-a sin ya. Wi did don tel unu an waan unu aredi.

1 Tesaluoniyan 4:6 ပူးပေါင်းရင်းမြစ်များ

Iibruu 13:4

Evribadi fi rispek marid laif, ozban an waif mosn go sliip wid nobadi els — dem fi kip dem bed kliin. Kaaz di piipl dem we dabl iina seks sin, an we sliip wid piipl dem no marid tu, Gad a-go joj dem.

Ruoman 12:19

Breda an sista ef sumadi du unu rang, no bada tek it pan unuself fi go mek dem pie fi wa dem did du unu, lef dem tu Gad mek im joj dem. A siem so it rait dong iina Gad wod dat di Laad se, “A fi mi jab fi mek piipl pie fi di rang we dem du, mi wi ponish dem.”

Ruoman 1:18

Fram evn, wich paat im ruul, Gad shuo se im beks an a-go joj aal a di piipl dem we a liv iina sin an we a du aal kain-a wikid sitn. Dem de piipl de tap ada piipl fram nuo di chuut bout Gad wid di wikid sitn dem we dem du.

Jiemz 5:4

Lisn tu mi! Unu rab di piipl dem we wok pan unu faam an no pie dem we dem wok fa. Nou dem pie we unu tiif aaf a baal out gens unu tu di Laad we ruul uova evriting.

Jiemz 2:6

Bot unu shiem puo piipl. Tel mi sopm, no di siem rich piipl dem a presha unu an a jrag unu go a kuot ous?

Gyalieshan 5:21

Aal dem waahn, a wa ada piipl av. Dem de piipl de eva a jringk tu moch, an a go aal kain-a wail paati. A dem de kain-a sitn de dem lov du. Mi a waan unu jos laik ou mi did waan unu bifuo: di wan dem we mek dem badi kanchuol dem an we du aal a di sitn dem we mi jos taak bout — dem naa go kyan tek paat iina Gad kindom.

Ruoman 13:4

Kaaz di piipl we iina powa, dem a Gad sorvant an dem de de fi fi unu gud. Bot yu si ef unu a du rang, unu fi fried, kaaz Gad neva gi dem powa fi notn. Di piipl we iina powa a Gad sorvant an im yuuz dem fi joj an ponish di piipl we a du rang.

Luuk 12:5

Mek mi tel unu uu unu fi fried a: fried a di wan we kyan kil di badi an av di powa fi fling unu suol dong a el tu. Yes mi a tel unu, a im unu fi fried a.

2 Tesaluoniyan 1:8

wid wan faiya we a bliez. Im a-go bring dong jojment pan aal a uu no nuo Gad an dem de we no fala di Gud Nyuuz bout wi Laad Jiizas.

Ifiijan 5:6

Unu no fi mek nobadi chrik unu wid wod we no mek no sens. Gad beks wid piipl we taak dem sitn de, an im gweehn ponish aal a uu chat fuulinish an no du we im se.

Ifiijan 4:17

So, lisn nou! Mi a Gad sorvant so mi av di rait fi tel unu wa unu fi du. Unu no fi liv no muo laik di piipl dem we no nuo Gad. We dem piipl de main tel dem fi du no mek no sens.

Maak 10:19

Yu nuo wa Muoziz Laa se, ‘No kil, no sliip wid nobadi we yu no marid tu, no tiif, no tel lai pan piipl, no chrik piipl fi tek we wa dem av, rispek yu faada an mada an du wa dem se.’ ”

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

Luuk 16:28

beg im waan mi faiv breda dem, so dem no kom dong a da plies ya, we evribadi a sofa.’

2 Korintiyan 7:11

So unu si umoch gud it du unu wen Gad mek unu sari. It mek unu staat tek tingz siiros an wel waahn fi shuo se unu a du di rait ting. It beks unu. It mek unu fried. It mek unu wel waahn fi si mi. It mek unu staat tek kier wid wa unu du an chrai aad fi mek shuor se unu a du di rait ting.

1 Tesaluoniyan 2:11

An unu nuo se wi diil wid evri wan a unu laik ou wan faada chriit im uona pikni dem.

Iibruu 2:6

An sumadi, somwe iina Gad wod, did se, “Gad, wa piipl wot mek yu bizniz wid dem so? Wa mek wi, we a jos piipl, mata so moch tu yu mek yu kier bout wi, iihn?