1 Tesaluoniyan 4:17 - Di Jamiekan Nyuu Testiment

¹⁷ Den wi we stil a liv, an we de pan ort siem wie, wi an dem a-go get tek op iina di kloud dem fi miit di Laad iina di ier an a so wi a-go en op de wich paat di Laad de fi eva.

1 Tesaluoniyan 4:17 ပူးပေါင်းရင်းမြစ်များ

1 Korintiyan 15:52

An wi a-go chienj faas tu, bifuo yu kyan kwint yu yai it apm. Wen dem bluo di laas aan, Gad wi mek di ded piipl dem kom bak alaiv an di badi we im a-go gi dem naa go kyan ded agen. An im a-go chienj di uol a wi.

Revilieshan 11:12

Den di tuu prafit dem ier wan loud vais outa evn se tu dem, “Kum op ya.” An wan kloud tek dem op iina evn wail dem enimi a wach.

Jan 14:3

An afta mi go we go fiks it op, mi gweehn kom bak kom tek unu kyari go we wid mi, so dat unu kyan de wid mi eniwe mi de.

1 Tesaluoniyan 4:15

Wa wi a tiich unu ya nou a wa di Laad wod se. Wi we stil alaiv, wen di Laad kom bak wi naa go miit op wid di Laad bifuo dem we ded aredi yu no.

Revilieshan 1:7

Luk de! Im a kom iina di kloud, an evri yai a-go si im, iivn di wan dem we mek dem kil im wid di suod; an aal di piipl dem pan ort a-go baal siek-a im. A so it a-go go! Iemen.

Aks 1:9

Az im don se dis tu dem, Gad tek im op iina evn rait infronta dem yai, an wen im did a go op, wan kloud aid im so dem kudn si im no muor.

Jan 17:24

“Faada, mi waahn di piipl dem we yu gi mi fi de eniwe mi de, so dat dem kyan si di uol iip a rispek we yu gi mi, kaa yu lov mi fram bifuo di worl did mek.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Aks 8:39

Afta dem kom op outa di waata, aal av a sodn Gad Spirit jos tek we Filip an di man we inchaaj a di moni neva si im agen. So im ed fi im yaad a gi Gad priez.

Matyu 26:64

So Jiizas se tu im se, “Yu se it yuself. Bot ier mi no, fram nou aan yu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Revilieshan 12:5

Shi av wan bwai biebi. Ar biebi a-go ruul aal a di piipl dem iina di worl. A im a-go ron tingz an im naa go tek piti pan non a im enimi dem. An bifuo yu kuda kwint, ar pikni get tek op iina evn an go sidong pan Gad chuon.

2 Korintiyan 5:8

So laik mi did a se, wi no fried an wi no gi op, an wi waahn fi get wi nyuu badi an go liv wid di Laad muor dan wi waahn fi kip da badi ya.

Maak 14:62

“Ye!” Jiizas ansa, “An unu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Filipiyan 1:23

Mi no nuo wich wan fi pik. It komiin laik eniwe mi ton maka juk mi. Mi wuda waahn fi ded an go liv wid Krais Jiizas dan tan ya, kaaz dat wuda uol iip beta fi mi.

2 Piita 3:13

Bot wi a luk faawod fi di nyuu evn dem an di nyuu ort we im pramis wi. A de-so evribadi a-go liv ou Gad waahn dem fi liv.

1 Tesaluoniyan 3:13

Da wie ya, unu aat wi get chrang so unu wi du di sitn dem we shuo se unu bilang tu wi Faada Gad. An so im naa go kyan bliem unu fi notn wen unu tan op infronta im wen wi Laad Jiizas kom bak wid aal a im piipl dem.

1 Tesaluoniyan 4:18

So, yuuz dem wod ya elp unu wan aneda, so unu aat wi no evi dong.

1 Tesaluoniyan 5:10

Jiizas ded fi wi, so weda wi alaiv ar wi ded di uol a wi kyan go liv wid im.