1 Tesaluoniyan 4:14 - Di Jamiekan Nyuu Testiment

¹⁴ Wi biliiv se Jiizas ded an kom bak alaiv, so wi biliiv se Gad a-go mek evribadi we chos iina Jiizas kom bak alaiv wen Jiizas kom bak.

1 Tesaluoniyan 4:14 ပူးပေါင်းရင်းမြစ်များ

Matyu 24:31

Im wi sen im ienjel dem fi kom bluo di chompit loud loud, an dem gweehn gyada op di piipl dem we im pik fram naat, sout, iis an wes, fram aal uova di worl.

Ruoman 14:9

A dat mek Krais Jiizas did ded an den kom bak alaiv; im du dat so dat im wuda bi Laad uova evribadi — Laad fi di piipl we ded an Laad fi di piipl we alaiv.

Ruoman 8:11

A Gad Spirit mek Jiizas kom bak alaiv. So den, ef Gad Spirit a liv iina unu, siem laik ou it mek Jiizas kom bak alaiv a siem so Gad wi yuuz im Spirit fi mek fi wi badi kom bak alaiv afta wi ded.

1 Tesaluoniyan 3:13

Da wie ya, unu aat wi get chrang so unu wi du di sitn dem we shuo se unu bilang tu wi Faada Gad. An so im naa go kyan bliem unu fi notn wen unu tan op infronta im wen wi Laad Jiizas kom bak wid aal a im piipl dem.

1 Tesaluoniyan 4:13

Breda an sista, wi waahn unu fi nuo bout wa riili apm tu aal a dem we jrap asliip. Da wie ya unu wi no baal an muon laik di piipl dem we no nuo Gad an no ekspek notn gud fi apm afta sumadi ded.

1 Tesaluoniyan 4:17

Den wi we stil a liv, an we de pan ort siem wie, wi an dem a-go get tek op iina di kloud dem fi miit di Laad iina di ier an a so wi a-go en op de wich paat di Laad de fi eva.

2 Tesaluoniyan 2:1

Nou breda an sista, bout di die wen wi Laad Jiizas Krais a kom bak, an ou di uol a wi a-go get gyada op fi go miit im — wi a aks unu du,

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 14:13

Den mi ier wan vais fram evn se tu mi se, “Rait dong dis: fram nou aan, di piipl dem we ded an dem an di Laad a wan, a dem bles.” Di Spirit se, “Yes, dem aad wok don, an dem a res nou, an aal a di sitn dem wa dem did du wi taak fi dem.”