1 Tesaluoniyan 4:13 - Di Jamiekan Nyuu Testiment

¹³ Breda an sista, wi waahn unu fi nuo bout wa riili apm tu aal a dem we jrap asliip. Da wie ya unu wi no baal an muon laik di piipl dem we no nuo Gad an no ekspek notn gud fi apm afta sumadi ded.

1 Tesaluoniyan 4:13 ပူးပေါင်းရင်းမြစ်များ

1 Tesaluoniyan 5:10

Jiizas ded fi wi, so weda wi alaiv ar wi ded di uol a wi kyan go liv wid im.

1 Tesaluoniyan 4:15

Wa wi a tiich unu ya nou a wa di Laad wod se. Wi we stil alaiv, wen di Laad kom bak wi naa go miit op wid di Laad bifuo dem we ded aredi yu no.

Ifiijan 2:12

se wan taim, unu neva nou Krais Jiizas, unu a neva paat a Gad piipl, Izrel, an unu kudn kip kompni wid dem niida. Di diil we Gad mek wid im piipl neehn av notn fi du wid unu. Unu did iina di worl, unu neva did a liv fi notn an unu neva nuo Gad.

2 Piita 3:4

Dem a-go se, “Im did pramis fi kom, duohn? So we im de? Wi faada faada an wi mada mada an aal a di fambili bifuo dem, dem ded an gaan, bot notn no chienj, evriting tan siem wie fram di taim di worl mek!”

1 Korintiyan 15:6

Afta dat uol a faiv onjrid a wi breda an sista dem si im wan taim tu. Som a dem breda an sista de ded bot muos a dem stil alaiv.

Aks 7:60

Den im jrap pan im nii an kaal out, “Laad, no uol da sin ya gens dem.” Afta im se dat im ded.

2 Korintiyan 1:8

Breda an sista wi waahn unu fi nuo di chuut bout aal a di sitn dem we wi did afi sofa chuu wen wi did de a Iezha. Di sofarieshan a did muor dan wi kuda manij. It did so bad wi did shuor se a ded wi did a go ded.

1 Korintiyan 10:1

Breda an sista mi waahn unu fi memba se fi wi faada an fi dem faada faada go bak, di kloud did protek di uol a dem wen dem did a kraas di red sii.

Ruoman 1:13

Breda an sista mi waahn unu fi nuo se a nof taim mi mek fi kom si unu bot sopm aalwiez tap mi fram kom. Mi wel waahn fi kom si unu, so dat mi kyan elp di piipl mongks unu fi biliiv an fala Jiizas Krais siem laik ou mi elp di res a piipl dem we a no Juu fi biliiv an fala Jiizas.

Aks 13:36

“Kaaz afta Dievid du we Gad did waahn im fi du mongks fi'im piipl we im gruo op wid, im ded an dem beri im mongks im faada faada dem griev an im badi ratn.

Jan 11:24

So Maata ansa im an se, “Mi nuo im gweehn kom bak alaiv pan di die wen di worl en an piipl kom bak alaiv.”

2 Piita 3:8

Bot fren, unu no figet dis: Wen wi a taak bout Gad — wan dege-dege die komiin laik aal wan touzn ier tu im; an wan touzn ier komiin laik wan suo-so die.

Aks 8:2

Som man we worship Gad beri Stiivn an dem ala an baal fi im.

Matyu 27:52

Tuum flai uopm, an uol iip a Gad piipl dem we did ded kom bak alaiv.

1 Korintiyan 12:1

Nou breda an sista, mi waahn unu fi andastan evriting bout di gif dem we di Uoli Spirit gi.

Ifiijan 2:3

Matarafak, aal a wi yuus fi liv laka dat wan taim. Wi did a liv onggl fi wa wi badi waahn an fi di rang sitn dem wa wi main tel wi fi du. Wi did komiin jos laik evribadi els we fi get joj an ponish fi dem sin.

1 Tesaluoniyan 4:14

Wi biliiv se Jiizas ded an kom bak alaiv, so wi biliiv se Gad a-go mek evribadi we chos iina Jiizas kom bak alaiv wen Jiizas kom bak.

1 Tesaluoniyan 5:6

So mek wi no sliip laik dem we a liv iina di daak. Bot mek wi kip wi yai waid uopm an wi ed skruu aan gud.