1 Tesaluoniyan 4:12 - Di Jamiekan Nyuu Testiment

¹² Da wie de, ou unu liv wi mek piipl we no biliiv an chos iina Gad rispek unu an unu no afi luk tu nobadi fi notn niida.

1 Tesaluoniyan 4:12 ပူးပေါင်းရင်းမြစ်များ

Koloshan 4:5

Unu fi gwaan laik se unu av sens wen unu roun piipl we a no Krais Jiizas falara. No wies no taim, evri chaans unu get unu fi du dat.

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.

Ruoman 12:17

Ef sumadi du yu sopm rang, no bada du dem bak notn rang; aalwiez chrai fi du wa evribadi tingk rait.

1 Timoti 3:7

A no jos piipl we biliiv iina Jiizas wan, bot aal piipl we no biliiv iina Jiizas mos taak gud bout im. Kaaz ef piipl rispek im nobadi kyaahn se notn wikid bout im an di devl naa go kyan chrap im.

Ruoman 13:13

So mek wi liv ou wi nuo wi fi liv, mek wi liv laik piipl we iina di lait, no laik piipl we iina di daak. Wi no fi tek paat iina no wail seks paati an wi no fi jringk til wi jongk. Wi no fi a sliip roun sliip roun ar a tek paat iina no kain-a seks sin. Unu no fi lov fait an unu no fi red yai fi ada piipl tingz.

Maak 4:11

So im ansa dem se, “Unu get di chaans fi nuo di siikrit sitn dem bout Gad kindom. Bot di piipl dem we de outsaid, mi yuuz tuori tel dem evriting,

1 Tesaluoniyan 5:22

an kip we fram aal kain-a sitn we bad.

1 Piita 3:1

A siem so aal a unu waif mos lisn unu ozban an du wa dem se unu fi du. Da wie de ef dem no biliiv iina Gad wod dem wi staat biliiv jos siek-a ou unu a gwaan. Unu wudn iivn afi se a ting tu dem.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.