1 Tesaluoniyan 4:1 - Di Jamiekan Nyuu Testiment

¹ Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.

1 Tesaluoniyan 4:1 ပူးပေါင်းရင်းမြစ်များ

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

2 Tesaluoniyan 1:3

Breda an sista, wi fi gi Gad tangks fi unu aal di wail — an dat a di rait ting tu. Wi fi gi tangks, kaaz unu a chos iina Gad muo an muo an a lov unu wan aneda muo an muo tu.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

Iibruu 13:16

An no figet fi du wa gud, an fi shier we unu av, kaaz Gad lov dem kain-a sakrifais de.

Filipiyan 1:9

So mi riili a prie se unu wi lov unu wan aneda muor an muor, so unu kyan nuo an andastan

1 Tesaluoniyan 3:12

An wi prie se di Laad Jiizas wi elp unu fi lov unu wan aneda muo an muo an ada piipl tu, so unu wi lov piipl di siem wie ou wi lov unu.

Filipiyan 3:14

Mi a push aad fi go chuu an finish di ries an fi get di sitn dem we Gad pudong iina evn fi mi, kaaz a dat Gad kaal mi fi chos Krais Jiizas fa.

1 Jan 3:22

an eniting wi aks Gad fa im gi wi, kaaz wi du we im se wi fi du an wi du di sitn dem we wi nuo mek im api.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

2 Korintiyan 13:11

Breda an sista, aal mi av fi se fi don da leta ya a dat mi uop se unu wi api. Chienj unu wiez an liv ou unu sopuoz fi liv. Mi a beg unu lisn an fala aal we mi tel unu. Kom tugeda an biliiv di siem ting an liv iina piis wid unu wan aneda. An Gad we lov wi an we gi wi piis wi tan wid unu aalwiez.

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

2 Tesaluoniyan 3:1

Breda an sista ier wa wi a se bifuo wi don ya-so — wi a beg unu fi prie fi wi. Prie se Gad mesij wi pred faas faas an piipl wi ana it no mata wich paat it go, jos laik wa did apm wen it kom tu unu.

2 Tesaluoniyan 2:1

Nou breda an sista, bout di die wen wi Laad Jiizas Krais a kom bak, an ou di uol a wi a-go get gyada op fi go miit im — wi a aks unu du,

Koloshan 2:6

Sins unu tek Krais Jiizas fi unu Laad, unu fi liv laik sumadi we kluos tu im.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

1 Tesaluoniyan 4:2

Kaaz unu nuo se wa wi tel unu fi du, a dat di Laad Jiizas se unu fi du.

2 Korintiyan 5:9

An so, wi mek shuor se evriting wi du a fi mek Gad api weda wi a liv pan ort ar wi de iina evn wid im.

Ruoman 8:8

Di piipl dem we a liv ou dem badi waahn dem fi liv, dem kyaahn mek Gad api.

Iibruu 13:22

Nou breda an sista, mi a beg unu, bier wid di likl mesij we mi rait fi mek unu aat chrang, an no bada get beks, kaaz a no notn lang mi rait.

Iibruu 11:6

Nou ef sumadi no chos iina Gad, dem kyaahn mek im api non at aal. Kaaz enibadi we kom kom worship Gad afi biliiv fos se Gad de fi chuu, an dat im a-go du som uol iip a gud sitn fi di wan dem we luk fi im aad aad.

Ifiijan 5:17

So no bada gwaan laik unu chupid. Fain out we di Laad riili waahn unu fi du.

Ifiijan 4:20

Bot unu nuo se di wie dem a liv no lain op wid wa wi tiich unu bout Jiizas Krais.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

1 Korintiyan 15:1

Nou mi breda an sista mi waahn fi elp unu memba di mesij bout Jiizas Krais we mi did priich tu unu. A da sed mesij de we unu a kip iina unu aat an we evriting we unu biliiv bies pan.

1 Korintiyan 11:23

Di siem ting we di Laad did tiich mi a di siem ting we mi tiich unu: pan di nait Juudas sel out Jiizas, Jiizas tek di bred,

Aks 20:27

Kaaz mi neva kip bak notn fram unu wen mi did a priich tu unu bout wa Gad waahn unu fi du.

2 Timoti 4:1

Wen Jiizas di King kom bak fi ruul, im a-go joj di piipl dem we a liv an di piipl dem we ded. So infronta Gad an Jiizas Krais, mi a beg yu

1 Timoti 5:21

Gad, Jiizas Krais an di uol a di ienjel dem we Gad pik a mi witnis, du wa mi tel yu fi du. Du it an mek shuor se yu chriit evribadi di siem wie. No av no fievrit.

Gyalieshan 6:1

Breda an sista, ef unu fain se sumadi we iina di choch a liv iina sin, unu we a liv ou Gad Spirit se unu fi liv, mos karek dem bot tek taim wid dem. Tek kier so unu no faal iina sin tu.

1 Tesaluoniyan 5:12

Breda an sista, nou wi a beg unu fi rispek di piipl dem we a wok aad mongks unu, an we a liid an tiich unu.

2 Tesaluoniyan 3:13

Bot breda an sista, unu no fi get taiyad fi du di rait sitn dem.