1 Tesaluoniyan 3:2 - Di Jamiekan Nyuu Testiment

² An wi sen Timoti tu unu. Timoti wi breda, we a wok wid Gad an a priich di Gud Nyuuz bout Krais Jiizas. Wi sen im fi bil unu op iina wa unu biliiv, an fi mek unu kyan uol aan,

1 Tesaluoniyan 3:2 ပူးပေါင်းရင်းမြစ်များ

Filipiyan 1:25

An mi nuo fi shuor se mi a-go tan ya wid unu an gwaan elp unu so dat unu wi chos iina Gad muor an muor, an so dat unu wi muor api bout wa unu biliiv.

2 Korintiyan 8:23

Nou yu si Taitos, im a mi fren we wok wid mi fi elp unu. An di tuu breda dem, a di choch dem pik an sen dem, an di wok we dem du wi kaaz piipl fi priez Krais Jiizas.

2 Korintiyan 1:19

Kaaz Gad Bwai Pikni, Jiizas Krais, we mi, Silvanos an Timoti did priich tu unu bout, a no sumadi we se “Yes” wan minit an “Nuo” di neks. Jiizas aalwiez se wa im miin, im aalwiez se “Yes.”

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

Ruoman 16:21

Timoti, we wok wid mi sen oudi fi unu. Mi kombolo dem: Luushos, Jiesn an Sosipieta sen oudi fi unu tu.

Aks 16:5

So di choch piipl dem get chrangga an chrangga iina wa dem biliiv an evridie muor an muor piipl jain dem gruup.

Aks 16:1

Den Paal go a Dorbi an Lischra. Nou yu did av wan choch breda de niem Timoti. Im mada a did wan Juu we biliiv iina Jiizas, bot im faada a did Griik.

1 Tesaluoniyan 3:13

Da wie ya, unu aat wi get chrang so unu wi du di sitn dem we shuo se unu bilang tu wi Faada Gad. An so im naa go kyan bliem unu fi notn wen unu tan op infronta im wen wi Laad Jiizas kom bak wid aal a im piipl dem.

Koloshan 4:12

Epafras, we kom fram mongks unu, an we a wan a Krais Jiizas sorvant dem, im se oudi tu. Im eva a prie fi unu wid aal a im aat. Im prie se unu wi tan op chrang iina Gad an no tap chos iina im. Im prie se unu wi biliiv iina Gad so til nobadi kyaahn mek unu tap chos iina im. An im prie aad se unu wi nuo fi shuor wa Gad waahn unu fi du an fi biliiv.

Koloshan 4:9

Im a kom wid Oniisimos, wi gud gud breda we wi lov tu, an we eva chos iina Gad. Im a wan a unu. Di tuu a dem wi mek unu nuo wa a gwaan uova ya-so.

Koloshan 1:7

Dis a di sed sitn unu lorn fram wi breda Epafras. Wi lov im. Im sorv Krais Jiizas, jos laik wi, an im wok gud tu. Im wok fi Jiizas no mata wa, an wen im du dat im elp wi.

Koloshan 1:1

Da leta ya a fram mi, Paal. Mi a wan a Jiizas Krais Apasl dem kaaz a dat Gad did waahn. An di leta a fram breda Timoti tu.

2 Korintiyan 2:13

Bot iivn duo di piipl dem did api fi ier wa mi av fi se, mi main kudn res, kaaz mi neva si mi breda Taitos. Bot sins mi neva fain im, mi tel di piipl dem iina Chuowas ba-bai an lef go a Masiduoniya.

1 Korintiyan 4:17

A so mek mi a sen Timoti tu unu, Timoti we mi lov an we komiin laik mi pikni kaaz di tuu a wi biliiv iina di siem Gad. Mi a sen im fi elp unu memba aal a di sitn dem we mi did tiich unu bout Krais Jiizas. A di siem sitn mi a tiich aal bout iina aal a di choch dem.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

1 Korintiyan 3:10

Mek mi put it wan neda wie. Gad gud an kain tu mi, so im mek mi wan a im ed bilda dem. A mi go iin go bil di foundieshan we sumadi els a-go bil pan. Nou aal a wi afi wach ou wi a bil.

2 Korintiyan 2:12

Nou wen mi go a Chuowas fi priich di Gud Nyuuz bout Jiizas, mi fain se di Laad did don mek wan wie fi mi taak tu di piipl dem.

1 Tesaluoniyan 3:5

A so kom wen wi kudn bier it no langga mi did afi sen Timoti fi fain out ef unu a uol aan chrang an a gwaan chos iina Gad. Kaa mi did fried se Sietan did mek unu du rang an so aal di wok we wi did du mongks unu wudn wot notn.

2 Tesaluoniyan 2:17

Wi prie se wi Laad Jiizas an wi Faada Gad wi gwaan gi unu gud wod an mek unu aat chrang, so unu wi aalwiez se an du wa gud.