1 Tesaluoniyan 2:9 - Di Jamiekan Nyuu Testiment

⁹ Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

1 Tesaluoniyan 2:9 ပူးပေါင်းရင်းမြစ်များ

2 Korintiyan 11:9

Wen mi did de mongks unu an wel niid som tingz mi neva aks unu fi notn, kaaz wi breda an sista dem we did kom fram Masiduoniya did bring evriting we mi niid. Mi neva presha non a unu fi notn an mi naa go presha non a unu fi notn niida.

Aks 18:3

an kaaz im an dem du di siem kain-a wok, im tan wid dem an wok wid dem (fi dem wok a did fi mek tent).

2 Timoti 1:3

Evritaim mi prie tu Gad mi memba yu an gi Gad tangks fi yu. Mi prie tu Gad jos laik ou mi granfaada an fi im faada an fi im faada faada dem yuus tu prie, an mi kanchens no bada mi.

1 Timoti 5:5

A di uman we ozban ded an we no av no fambili, a di wan di choch mos elp. Shi a di wan we chos iina Gad wid aal ar aat, prie nait an die, an aks Gad fi elp ar.

1 Timoti 4:10

Wi put wi chos iina di Gad we kyaahn ded an we siev evribadi, speshali di wan dem we biliiv iina im. Gad pramis fi mek wi liv fi eva ef wi chos iina im an a so mek wi afi chogl an wok aad.

1 Tesaluoniyan 2:6

Wi neehn a luk fi piipl big wi op ar notn laka dat. Wi neva did a luk fi dat fram non a unu ar fram nobadi els niida.

1 Korintiyan 9:18

So den a wa mi a-go get pie? Fi mi pie a dat mi kyan priich di Gud Nyuuz bout Jiizas an no chaaj nobadi. Da wie de mi kyan priich an no aks unu fi sopuot mi iivn duo mi av di rait fi aks unu.

1 Korintiyan 9:15

Bot iivn duo mi av di rait fi aks unu fi sopuot mi, mi neva du it. An mi naa rait unu nou so dat unu wi staat du it niida. Mi wuda raada ded dan mek unu sopuot mi. Kaaz mi no waahn notn fi tap mi fram buos bout ou mi priich di Gud Nyuuz tu unu an neva get no elp fram unu.

Aks 20:31

So wach unuself an memba ou nait an die fi chrii ier, mi neva tap waan evri wan a unu, iivn duo mi did afi go chuu nof sofarieshan.

1 Timoti 1:11

an we lain op wid di Gud Nyuuz bout wa Gad du fi wi wen im sen im Bwai Pikni fi siev wi. A da siem powaful Gud Nyuuz ya, Gad, di wan we piipl fi priez, se mi fi tiich.

1 Tesaluoniyan 3:10

Nait an die wi prie aad aad fi unu, a aks Gad fi mek wi si unu agen, so wi kyan gi unu wat-eva unu niid fi chos im iina evri wie, laik wa unu sopuoz fi a du.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

1 Tesaluoniyan 1:3

Wi no tap prie an gi Faada Gad tangks fi unu kaaz wi memba ou unu du som gud sitn kaaz unu biliiv iina Jiizas. Wi memba ou unu wok wel aad kaaz unu lov im; an wi tingk bout ou unu neva eva tap luk tu im, an so unu kuda pres aan no mata wa.

Filipiyan 4:16

Iivn wen mi did de a Tesalonaika, unu sen mi moni uova an uova wen mi did brok.

2 Korintiyan 6:5

Piipl biit wi, dem fling wi iina prizn, kroud an kroud a piipl chrai kil wi aaf bot wi stil a wok. Wi a wok aal wen wi no av di chrent fi wok no muor. Nof nait wi no get no sliip an wi naa no fuud fi iit, bot wi stil a wok.

1 Korintiyan 4:12

Wi tek wi uona an dem an wok aad aad. Wen piipl kos wi an se aal kain-a sopm bout wi, aal wi du a bles dem. Wen piipl mek wi a sofa, wi no gi op wi jos gwaan uol chrang.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Ruoman 15:16

im mek mi wan a Krais Jiizas sorvant dem an sen mi fi wok mongks di piipl dem we a no Juu. Mi a laik wan priis, fi mi jab a fi priich di Gud Nyuuz we Gad gi mi tu di piipl we a no Juu, so dat di Uoli Spirit kyan mek dem kliin an gi dem op tu Gad laik wan sakrifais, wan sakrifais we Gad kyan api wid.

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Luuk 18:7

So unu no tingk se Gad a-go gi di piipl dem we im pik jostis, iihn, di wan dem we baal tu im die an nait? Unu tingk se im wi kip aan a put dem aaf?

Luuk 2:37

An shi neva av no ada ozban aal wen shi ieti fuo. Maanin, nuun an nait, shi spen taim iina Gad ous, a faas an a prie.

Aks 20:24

Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

1 Korintiyan 9:4

Unu no tingk se wi av di rait fi get fuud an jringks fi di wok we wi du?

2 Korintiyan 11:27

Mi chogl an wok aad aad, nof nait mi no get no sliip. Mi did onggri an waahn sopm fi jringk an nof taim neva av no fuud fi iit. Yu did av taim wen mi kuol an no av inof kluoz fi kip mi waam.