1 Tesaluoniyan 2:7 - Di Jamiekan Nyuu Testiment

⁷ An kaaz wi a apasl fi Krais Jiizas, wi kuda kom bordn unu dong, bot insted-a dat, wi chriit unu jengkl wen wi did de de, siem laik wen mada we av yong biebi a tek kier a ar likl pikni dem.

1 Tesaluoniyan 2:7 ပူးပေါင်းရင်းမြစ်များ

1 Tesaluoniyan 2:11

An unu nuo se wi diil wid evri wan a unu laik ou wan faada chriit im uona pikni dem.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

1 Korintiyan 9:22

Tu di piipl dem we wiik mi ton wiik tu, so dat mi kuda elp dem fi biliiv iina Jiizas Krais. So bies pan ou piipl liv, mi chienj ou mi liv so dat mi wuda du aal we mi kuda du fi elp siev som a dem.

2 Korintiyan 13:4

A chuu se, wen dem did niel im op pan di kraas, im neva shuo im powa — im mek imself wiik, bot Gad powa mek im kom bak alaiv an a liv nou. An siem laik ou im did wiik a siem so mi wiik, bot wan die unu wi si se Gad powa a-go mek mi liv laik ou Krais Jiizas a liv an mi a-go gwaan liv wid im.

1 Korintiyan 2:3

Wen mi did kom tu unu, mi did wiik, an mi did fried so til mi did a chrimbl.

Aks 13:18

Fi bout faati ier, out iina di bush we nobadi neva liv, im tek kier a dem an put op wid dem bad brok wie.

Gyalieshan 4:19

Mi pikni we mi lov, jos laik ou mada go chuu nof pien wen dem a av biebi — a siem so mi a fiil pien fi unu. An mi naa go tap fiil pien til unu an Jiizas a wan, an unu staat fi biyiev laik im.