1 Tesaluoniyan 2:2 - Di Jamiekan Nyuu Testiment

² Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

1 Tesaluoniyan 2:2 ပူးပေါင်းရင်းမြစ်များ

Aks 4:13

Wen dem si ou Piita an Jan tan op chrang fi wa dem biliiv an wen dem lorn se dem a did jos aadineri sumadi we neva go a no skuul go lorn, dem shak. Den dem si se di tuu a dem did nuo Jiizas an did waak wid im fi a gud wail.

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.

Aks 16:37

Bot Paal se tu di poliis man dem se, “Dem biit wi op iina di uopm infronta evribadi wen dem neva iivn chrai wi fi si ef wi did du notn rang — iivn duo a Ruom wi kom fram an dem lak wi op iina prizn. An nou dem waahn fi aid an sen wi we. Dem mosi mad! Dem afi kom liid wi out demself!”

1 Tesaluoniyan 1:5

Kaaz wen wi did bring wi Gud Nyuuz kom, a neehn suo-so wod wi bring kom, bot wi bring di mesij wid powa we kom fram di Uoli Spirit. An unu si se wi biliiv wid aal a wi aat se di Gud Nyuuz a chuu. Unu si aal a wa wi did du wen wi did liv mongks unu? Wi did du aal a dem sitn de fi elp unu.

Koloshan 2:1

Mi waahn unu nuo ou aad mi a wok fi unu, an fi di piipl dem we de iina Leyodiisiya an fi aal a uu neva miit mi yet an no nuo wa mi luk laik.

Aks 17:17

So evridie im go a di Juu dem choch, an iina di maakit go taak tu di piipl dem we did de de; piipl we a Juu an piipl we a no Juu we worship Gad.

Aks 14:3

So Paal an Baanabas tan de fi wan lang taim. An dem neva fried fi priich fi di Laad. Di mesij we dem did a priich bout ou di Laad lov piipl iivn duo dem no dizorv it, di Laad pruuv se a chuu dem did a taak wen im gi dem powa fi du aal kain-a mirikl an sain.

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Aks 4:20

Kaaz wi kyaahn tap taak bout di sitn dem we wi did si an ier.”

Juud 1:3

Mi breda an sista, mi did a du evriting fi rait unu bout di nyuu laif we Gad gi aal a wi kaaz wi an Jiizas Krais a wan. Bot mi afi rait an tel unu fi tan op chrang an fait fi di sitn dem we Gad piipl get, an we wi biliiv iina. Wi get dem wan taim fi aal a Gad piipl an dem kyaahn chienj.

Aks 19:8

So die afta die, fi bout chrii mont, Paal go iina di Juu dem choch an im neva fried fi aagyu wid dem an chrai fi get dem fi biliiv se wa im did a se bout Gad kindom a chuu.

Aks 16:12

Fram de-so wi siel go a Filipai. Filipai a did wan big impuotant siti iina da ieriya a Masiduoniya de we a did wan Ruoman parish.

Aks 14:5

Wen di piipl we a Juu, di piipl we a no Juu an dem ruula dem chrai fi mek Paal an Baanabas sofa an fi stuon dem,

Aks 16:19

Bot wen ar maasta dem si se dem naa go kyaahn mek no muor moni aafa ar, dem grab Paal an Sailas an jrag dem go a di maakit plies infronta di joj dem.

Aks 17:1

Afta dem paas chuu Amfipolis an Apoluoniya dem riich a Tesalonaika, we di Juu dem did av wan choch.

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

2 Korintiyan 3:12

So sins wi kyan luk fi Gad gi wi wa im pramis an nuo fi shuor se wi a get dem, wi no afi aid an taak bout Gad.