1 Tesaluoniyan 2:17 - Di Jamiekan Nyuu Testiment

¹⁷ Breda an sista, mek wi taak bout wi nou. Wen dem mek wi afi lef unu, aal ef a did jos wan owa, bwai wi mis unu! Wi mait-a kyaahn si unu bot wi did a tingk bout unu siem wie, an chrai aad aad fi si unu.

1 Tesaluoniyan 2:17 ပူးပေါင်းရင်းမြစ်များ

Koloshan 2:5

Kaaz iivn duo mi mait no riili de wich paat unu de, mi spirit de de wid unu siem wie. An mi api fi si se aal a unu tugeda, a tan op chrang an a chos iina Krais Jiizas.

1 Korintiyan 5:3

Iivn duo mi no de de, mi spirit de de wid unu. An mi don joj di wan dem we a tek paat iina aal kain-a seks sin. Mi joj dem an mi tel unu aredi wa unu fi du wid dem, laik se mi did de de wid unu.

1 Tesaluoniyan 3:6

Bot nou Timoti kom bak kom gi wi gud nyuuz bout ou unu stil biliiv iina Jiizas chrang chrang an ou unu lov Gad tu. Im tel wi se unu eva a tingk bout wi iina som gud wie, an ou unu lang fi si wi jos laik ou wi lang fi si unu.

Ruoman 1:13

Breda an sista mi waahn unu fi nuo se a nof taim mi mek fi kom si unu bot sopm aalwiez tap mi fram kom. Mi wel waahn fi kom si unu, so dat mi kyan elp di piipl mongks unu fi biliiv an fala Jiizas Krais siem laik ou mi elp di res a piipl dem we a no Juu fi biliiv an fala Jiizas.

Ruoman 15:23

Bot nou mi naa notn a kip mi wich paat mi de, mi wok don an a nof ier nou mi waahn kom si unu.

Luuk 22:15

Jiizas se tu dem se, “Unu no nuo ou mi did wel waahn da taim ya kom so mi kuda nyam da Paasuova fuud ya wid unu bifuo mi sofa.

Aks 17:10

Wen nait kom di breda an sista dem sen we Paal an Sailas siem taim go a Beriya. Wen dem riich de, dem go a di Juu dem choch.

Luuk 12:58

Enitaim yu a go a kuot wid sumadi, chrai sekl unu aagiment pan di wie, ar di sumadi mait-a jrag yu infronta di joj, an di joj an yu uova tu di poliis an di poliis go lak yu op iina prizn.