1 Tesaluoniyan 2:14 - Di Jamiekan Nyuu Testiment

¹⁴ Breda an sista, unu komiin jos laik Gad choch dem iina Krais Jiizas, we de a Judiya. Kaaz a fi unu uona piipl dem, we de wich paat unu de, a mek unu sofa di siem wie ou di Judiyan piipl dem mek dem we de a Judiya sofa.

1 Tesaluoniyan 2:14 ပူးပေါင်းရင်းမြစ်များ

Aks 11:19

Afta di Juu dem kil Stiivn, sofarieshan tek di piipl dem we biliiv iina Jiizas an kaaz som a dem fi get skyata skyata. Dem skyata go klier a Foniisiya, Saipros, an Antiyak, an evriwe dem go dem priich di gud nyuuz, bot a onggl di Juu dem wan dem did a priich tu.

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Aks 14:19

Den som Juu kom fram Antiyak an Aikoniyom an win uova di kroud. Dem get dem fi stuon Paal an wen dem tingk se im ded, dem jrag im badi go fling it outa di siti.

Aks 14:2

Bot som a di Juu dem we mek op dem main se dem naa biliiv di gud nyuuz bout Jiizas, rail op di piipl dem we a no Juu, an paizn dem main gens di breda dem.

Aks 14:4

Di piipl we liv iina di toun ton gens dem wan aneda siek-a wa Paal an Baanabas did a priich. Som biliiv di Juu dem an som biliiv wa Paal an Baanabas se.

Aks 14:5

Wen di piipl we a Juu, di piipl we a no Juu an dem ruula dem chrai fi mek Paal an Baanabas sofa an fi stuon dem,

Aks 17:13

Bot wen di Juu dem fram Tesalonaika ier se Paal did a priich Gad wod iina Beriya, dem kom de-so tu fi kom rail op di kroud.

Aks 18:12

Nou afta Gyaliyo did ton govana fi Akaiya di Juu dem gyada op an grab Paal an jrag im infronta di joj,

Aks 8:1

An Saal did de de an im did biliiv se dem did rait fi kil Stiivn. Da die de wan torbl sofarieshan tek di choch iina Jeruusilem. An aal a di biliiva dem did get skyata skyata aal uova Judiya an Samieriya. Onggl di apasl dem neva get skyata skyata.

Aks 8:3

Bot Saal staat wok aad aad fi mash op di choch. Im did a go fram ous tu ous an a jrag out man an uman an fling dem iina prizn.

Aks 9:1

Roun dem siem taim de, Saal stil did a chretn fi kil aaf di biliiva dem. Im go tu di liida fi di priis dem

Aks 9:13

Ananaiyas se, “Bot Laad, nof piipl tel mi bout da man de an di uol iip a wikid sitn dem we im du tu yu piipl dem iina Jeruusilem.

Aks 9:31

Den di choch dem we did iina Judiya, Gyalalii, an Samieriya get a briek fram di sofarieshan we dem did a go chuu fi a wail. Di choch gruo muor an muor kaaz dem di a du we de Laad waahn dem fi du an di Uoli Spirit did a wok wid dem.

1 Korintiyan 10:32

No du notn we a-go kaaz di Juu dem, di piipl we a no Juu ar Gad choch fi sin.

1 Korintiyan 7:17

Gad mek it so dat evribadi liv difrant an iivn duo unu biliiv iina im nou, unu fi gwaan tan iina di siem pozishan we Gad put unu bifuo im kaal unu fi ton wan a im piipl. Iina evri wan a di choch dem dis a wa mi se unu fi du.

Gyalieshan 1:22

Bot di piipl we fala Jiizas an we go di choch dem iina Judiya neva nuo we mi luk laik.

1 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait unu — aal a di piipl dem we de a Tesalonaika we biliiv iina Jiizas Krais, aal a uu a Gad an Krais Jiizas piipl dem: Mi prie se Gad wi aalwiez shuo unu im lov iivn duo wi no dizorv it an mek unu av piis iina unu aat.

1 Tesaluoniyan 1:6

Unu staat fala wi — an staat fala di Laad tu. An duo unu sofa bad bad unu biliiv iina di Gud Nyuuz siem wie no mata di sofarieshan, kaaz di Uoli Spirit mek unu wel api.

1 Tesaluoniyan 3:4

Memba wen wi did de wich paat unu de, wi did waan unu lang bifuo it apm se wi did a go sofa? An si de — a dat apm! Unu don nuo dat aredi.

2 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait di uol a unu we de a Tesalonaika we biliiv iina Jiizas Krais, an we bilang tu Gad an Krais Jiizas.

2 Tesaluoniyan 1:4

Siek-a dat, wi fi wan afi buos bout unu iina aal a Gad choch dem, kaaz unu eng aan no mata wa. An unu a chos iina Gad iivn duo unu a sofa an a go chuu nof chraiyal an chibilieshan.