1 Tesaluoniyan 2:10 - Di Jamiekan Nyuu Testiment

¹⁰ Unu siem wan si an nuo, an Gad si an nuo tu se wen wi did de mongks unu we biliiv, wi neehn du notn rang. Wi du di rait sitn dem an nobadi kudn bliem wi fi notn.

1 Tesaluoniyan 2:10 ပူးပေါင်းရင်းမြစ်များ

1 Piita 5:3

No aada-aada roun di piipl dem we Gad gi unu fi tek kier a. Bot unu fi biyiev gud so dem wi waahn fala unu.

1 Tesaluoniyan 1:5

Kaaz wen wi did bring wi Gud Nyuuz kom, a neehn suo-so wod wi bring kom, bot wi bring di mesij wid powa we kom fram di Uoli Spirit. An unu si se wi biliiv wid aal a wi aat se di Gud Nyuuz a chuu. Unu si aal a wa wi did du wen wi did liv mongks unu? Wi did du aal a dem sitn de fi elp unu.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

2 Timoti 3:10

Bot yu Timoti, yu fala wa mi tiich an yu fi liv yu laif laik ou mi liv fi mi laif. Yu nuo wa mi waahn fi du an wa mi biliiv iina. Yu si ou mi lov piipl an ou mi put op wid chobl an neva tap no mata wa.

Aks 20:18

Wen dem riich, im se tu dem se, “Unu nuo ou mi liv di uol taim mi did de ya wid unu, fram di fos die mi riich iina Iezha til nou,

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

2 Tesaluoniyan 3:7

Kaaz unu siem wan don nuo aredi se unu fi fala wi, an wi neehn aigl an liezi wen wi did de mongks unu.

1 Tesaluoniyan 2:5

An unu nuo se wi neehn kom swiit-mout non a unu no taim at aal, an Gad si an nuo se wi neehn a chrai yuuz notn we wi se fi tek advaantij a non a unu niida.

2 Korintiyan 11:11

Wa mek mi naa presha unu fi gi mi notn? Unu tingk se a kaaz mi no lov unu? Gad nuo se mi lov unu.

2 Korintiyan 7:2

Mek ruum iina yu aat fi wi. Wi no du notn rang tu nobadi, wi no mash op nobadi laif an wi no tek advaantij a nobadi.

Aks 24:16

A dat mek mi aalwiez du mi bes fi liv rait so dat nobadi kyaahn paint no fingga pan mi an mi kyan tan op infronta Gad an mi kanchens no bada mi.

Aks 20:26

So mi a tel aal a unu klier klier se ef eni a unu ded iina unu sin, a no fi mi faalt.

2 Korintiyan 11:31

Di Gad an Faada fi di Laad Jiizas Krais, nuo se mi naa lai. Mek piipl priez im niem fi eva!

2 Korintiyan 5:11

So kaaz wi av nof rispek fi di Laad an chuu wi nuo se im a-go joj evribadi, wi du aal we wi kyan du fi win piipl uova fi Gad. Gad nuo se wi onggl priich wa im waahn wi fi priich an mi uop se, iina unu aat, unu nuo se a dat wi a du.

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.

Luuk 23:41

Dem a ponish di tuu a wi fi wa wi du, so wi a get wa wi dizorv. Bot da man ya no du notn rang.”