1 Tesaluoniyan 1:8 - Di Jamiekan Nyuu Testiment

⁸ An siek-a wa unu a du, aal piipl we no de iina Masiduoniya an Akaiya ier di Gud Nyuuz. Piipl aal bout a ier ou unu chos iina Gad — so wi no afi bada se notn tu dem,

1 Tesaluoniyan 1:8 ပူးပေါင်းရင်းမြစ်များ

Ruoman 1:8

Di fos ting mi waahn fi se a dat mi tangk Gad fi aal a unu. Mi kyan tangk im siek-a wa Jiizas Krais du fi di uol a unu. An mi tangk im fi unu kaaz unu biliiv an chos iina Jiizas Krais so moch dat piipl aal uova di worl a taak bout unu.

Revilieshan 14:6

Afta dat, mi si wan neda ienjel a flai iina di skai. Im did av wan mesij fram Gad we a-go laas fi eva fi go tel di piipl dem we liv pan di ort. Di mesij a did fi evri konchri, chraib, piipl, an evri langwij.

3 Jan 1:12

Evribadi av gud sitn fi se bout Dimiichriyos, dem kyan si se im riili a liv ou di Laad se im piipl fi liv. Wi taak gud bout im tu, an yu nuo se wi no tel lai.

2 Tesaluoniyan 1:4

Siek-a dat, wi fi wan afi buos bout unu iina aal a Gad choch dem, kaaz unu eng aan no mata wa. An unu a chos iina Gad iivn duo unu a sofa an a go chuu nof chraiyal an chibilieshan.

2 Tesaluoniyan 3:1

Breda an sista ier wa wi a se bifuo wi don ya-so — wi a beg unu fi prie fi wi. Prie se Gad mesij wi pred faas faas an piipl wi ana it no mata wich paat it go, jos laik wa did apm wen it kom tu unu.

Revilieshan 22:17

Di Spirit an di braid se, “Kom Laad Jiizas!” An aal uu ier wa de iina da buk ya, se, “Kom Laad Jiizas!” Aal uufa chuot jrai an we waahn waata fi jringk, kom kom tek di frii waata we gi laif.

Ruoman 16:19

Evribadi ier bout ou unu biliiv an a fala di Gud Nyuuz bout Krais Jiizas wid aal a unu aat an unu mek fi mi aat wel api wid aal we unu a du. Bot mi waahn unu fi waiz — mi waahn unu fi aalwiez nuo wa rait fi unu du an no av notn fi du wid no kain-a wikidnis.

2 Korintiyan 3:4

Wi kyan se dem sitn ya an shuor bout dem kaaz wi chos iina Jiizas. An a im mek wi a du di wok we wi a du an kyan tan op infronta Gad an no shiem.

1 Korintiyan 14:36

Wa! Unu tingk se Gad wod staat wid unu ar se a unu wan it kom fa?

Aks 18:12

Nou afta Gyaliyo did ton govana fi Akaiya di Juu dem gyada op an grab Paal an jrag im infronta di joj,

Ruoman 15:26

Kaaz di choch dem iina Masiduoniya an Akaiya did muor dan api fi gi moni tu Gad piipl iina Jeruusilem we puor.

2 Korintiyan 2:14

Wi tangk Gad we mek wi eva a win gens di wikid sitn dem we wi fies, chuu wi an Jiizas a wan. Gad yuuz wi fi pred di Gud Nyuuz bout Jiizas aal bout, an da Gud Nyuuz de komiin laik wan swiit swiit sumel.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

1 Timoti 2:8

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda.

2 Timoti 2:9

A chuu mi a tiich da mesij ya mek mi a sofa so. An a kaaz mi tiich da mesij ya mek dem fling mi iina prizn an chriit mi laik se mi a kriminal. Bot dem kyaahn tap Gad mesij ar lak it op laik ou dem lak mi op iina prizn.