1 Tesaluoniyan 1:7 - Di Jamiekan Nyuu Testiment

⁷ An chuu dat, unu ton di kain-a piipl we aal a di piipl dem we biliiv iina Gad, we de iina Masiduoniya an Akaiya, kyan fala.

1 Tesaluoniyan 1:7 ပူးပေါင်းရင်းမြစ်များ

Aks 1:13

Wen dem kech a Jeruusilem, dem go opstiez go a di ruum we dem did a stie. Piita, Jan, Jiemz an Anju; Filip an Tamas, Bartalimyuu an Matyu; Jiemz, Alfiyos bwai pikni, Saiman we niem Zelat, an Juudas, Jiemz bwai pikni, aal a dem did de de.

Aks 16:12

Fram de-so wi siel go a Filipai. Filipai a did wan big impuotant siti iina da ieriya a Masiduoniya de we a did wan Ruoman parish.

Aks 18:1

Afta dat Paal lef Atenz an go a Korint.

Aks 18:12

Nou afta Gyaliyo did ton govana fi Akaiya di Juu dem gyada op an grab Paal an jrag im infronta di joj,

Aks 19:21

Afta aal a dem sitn ya apm, Paal mek op im main fi go op a Jeruusilem, so im chravl chuu Masiduoniya an Akaiya. An im se, “Afta mi spen som taim op de, mi afi go a Ruom fi a likl wail.”

Ruoman 15:26

Kaaz di choch dem iina Masiduoniya an Akaiya did muor dan api fi gi moni tu Gad piipl iina Jeruusilem we puor.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

2 Korintiyan 9:2

Mi no afi rait unu kaaz mi nuo se unu wel waahn fi elp. Mi aal buos bout unu tu Gad piipl we de iina Masiduoniya. Mi tel dem ou fram laas ier di uol a unu iina Akaiya redi fi elp an kaaz unu redi fi elp, it mek dem wel waahn fi elp tu.

1 Tesaluoniyan 1:8

An siek-a wa unu a du, aal piipl we no de iina Masiduoniya an Akaiya ier di Gud Nyuuz. Piipl aal bout a ier ou unu chos iina Gad — so wi no afi bada se notn tu dem,

1 Tesaluoniyan 4:10

An fi riil unu lov unu breda an sista dem we de aal uova Masiduoniya. Bot mi breda an sista, wi a beg unu du dat muo an muo.

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

Taitos 2:7

Yu, Taitos, mek shuor se yu eva a du gud sitn an liv rait, so piipl wi si ou yu liv an fala wa yu du. Wen yu tiich mek shuor se yu taak di chuut an tek it siiros.

1 Piita 5:3

No aada-aada roun di piipl dem we Gad gi unu fi tek kier a. Bot unu fi biyiev gud so dem wi waahn fala unu.