1 Tesaluoniyan 1:1 - Di Jamiekan Nyuu Testiment

¹ Dis a Paal. A mi, Silvanos an Timoti a rait da leta ya. Wi a rait unu — aal a di piipl dem we de a Tesalonaika we biliiv iina Jiizas Krais, aal a uu a Gad an Krais Jiizas piipl dem: Mi prie se Gad wi aalwiez shuo unu im lov iivn duo wi no dizorv it an mek unu av piis iina unu aat.

1 Tesaluoniyan 1:1 ပူးပေါင်းရင်းမြစ်များ

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

2 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait di uol a unu we de a Tesalonaika we biliiv iina Jiizas Krais, an we bilang tu Gad an Krais Jiizas.

Aks 20:4

An Sowpata, Piros bwai pikni fram Beriya, Ieristaakos, Sikondos fram Tesalonaika, Gaiyos fram Dorbi, an Timoti, Taikikos an Chrofimos fram Iezha go wid Paal.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Juud 1:1

Da leta ya a kom fram mi, Juud. Mi a wan a Jiizas Krais sliev an Jiemz breda. Mi a rait aal a unu we Faada Gad pik fi bi fi im uon, we im lov, an we Jiizas Krais kip sief.

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.

2 Korintiyan 1:19

Kaaz Gad Bwai Pikni, Jiizas Krais, we mi, Silvanos an Timoti did priich tu unu bout, a no sumadi we se “Yes” wan minit an “Nuo” di neks. Jiizas aalwiez se wa im miin, im aalwiez se “Yes.”

Aks 19:22

So afta im sen tuu a di piipl we wok wid im, Timoti an Irastos, go a Masiduoniya, im tan iina Iezha fi wan likl wail.

Aks 17:11

Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.

Iibruu 13:23

Mi waahn unu nuo se wi breda Timoti get let outa jiel. Ef im suun kom, mi wi bring im wid mi wen mi kom luk fi unu.

2 Timoti 1:2

Timoti, yu komiin laik mi uona pikni we mi lov, mi prie se Faada Gad an wi Laad Jiizas Krais wi shuo yu lov iivn duo wi no dizorv it, mi prie tu se im wi gud an kain tu yu an gi yu piis iina yu aat.

1 Timoti 1:2

Timoti, yu komiin laik se yu a riili fi mi pikni kaaz di tuu a wi biliiv an chos iina di siem Gad. Mi prie se wi faada Gad an wi Laad Jiizas Krais wi gud an kain tu yu, shuo yu lov iivn duo wi no dizorv it an gi yu piis iina yu aat.

Koloshan 1:1

Da leta ya a fram mi, Paal. Mi a wan a Jiizas Krais Apasl dem kaaz a dat Gad did waahn. An di leta a fram breda Timoti tu.

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Ifiijan 1:2

Mi a prie se Faada Gad an wi Laad Jiizas Krais, wi shuo unu lov iivn duo wi no dizorv it an gi unu piis iina unu aat.

Gyalieshan 1:22

Bot di piipl we fala Jiizas an we go di choch dem iina Judiya neva nuo we mi luk laik.

Gyalieshan 1:2

A mi an di uol a di breda dem we de ya wid mi a rait da leta ya, an it a fi aal a di piipl dem we go di choch dem iina Gyaliesha.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

1 Korintiyan 1:2

Da leta ya a fi aal a Gad piipl we de iina Korint. Gad kaal unu fi bi im piipl an di uol a unu bilang tu im, kaaz a im mek unu an Jiizas ton wan. A no jos unu wi a rait tu — wi a rait tu evribadi we se Jiizas a dem Laad laik wi.

Aks 16:29

So di waadn kaal tu sumadi fi gi im wan lamp. Im buolt iina di prizn, fling dong imself a Paal an Sailas fut a chrimbl.

Aks 16:25

Roun migl nait Paal an Sailas did a prie an a sing priez tu Gad, an di ada prizna dem did a lisn.

Aks 16:19

Bot wen ar maasta dem si se dem naa go kyaahn mek no muor moni aafa ar, dem grab Paal an Sailas an jrag dem go a di maakit plies infronta di joj dem.

Aks 15:40

bot Paal pik Sailas an lef out afta di biliiva dem prie an aks di Laad fi tek kier a dem.

Aks 15:27

So wi a sen Juudas an Sailas wid dem fi tel unu wid dem uona mout di siem sitn wa wi rait iina da leta ya.

1 Jan 1:3

Wa wi did si an ier a dat wi a tel unu tu. Wi a tel unu so dat unu kyan muuv kluos wid wi, an wi a muuv kluos wid di Faada an wid im Bwai Pikni Jiizas Krais.

Aks 15:22

Den di apasl dem, di elda dem an aal a di choch piipl dem mek op dem main fi sen som man fram di choch go a Antiyak. So dem pik tuu a dem liida, Juudas (we niem Baasabas) an Sailas an sen dem wid Paal an Baanabas.