1 Piita 5:14 - Di Jamiekan Nyuu Testiment

¹⁴ Kis unu wan aneda fi mi, iina lov, an tel evribadi oudi. Piis an lov fi aal a unu we a fala Krais Jiizas. Iemen.

1 Piita 5:14 ပူးပေါင်းရင်းမြစ်များ

Ruoman 16:16

Unu fi tel unu wan aneda oudi an du it wid lov. Aal a Krais Jiizas choch dem we out ya sen oudi fi unu.

Ifiijan 6:23

Mi prie se Faada Gad an wi Laad Jiizas Krais wi elp aal a unu we chos iina im, fi liv iina piis an lov unu wan aneda.

Ruoman 8:1

So nou, di piipl we biliiv iina Krais Jiizas an we ton wan wid im, Gad naa go luk pan dem an se dem gilti an mos get ponish.

1 Korintiyan 16:20

Aal a di breda an sista dem sen oudi fi unu. Unu fi tel unu wan aneda oudi an du it wid lov iina unu aat.

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

2 Korintiyan 5:17

Wen sumadi biliiv iina Krais Jiizas, dem ton wan nyuu sumadi. Dem tap liv di wie dem yuus tu liv bifuo dem biliiv an staat liv difrant.

1 Korintiyan 1:30

A Gad kaaz unu fi kluos wid Jiizas Krais. An a Jiizas mek wi kyan nuo Gad an kyan andastan sortn tingz — Gad mek wi waiz wen wi kluos wid Jiizas. An chuu wi kluos wid Jiizas, Gad tek we aal a wi sin an mek tingz rait bitwiin wi an im. An so wi a im pikni nou.

Jan 20:26

Iet die afta dat, Jiizas falara dem did iina di sed ous, an Tamas did de de wid dem da taim ya. Iivn duo di duor dem did lak, Jiizas kom iin kom tan op mongks dem sed wie an se, “Piis!”

Jan 20:19

Da sed Sonde de, Jiizas falara dem miit op tugeda iina di iivnin. Dem lak di duor dem kaa dem did fried a di Juu liida dem. Jiizas kom iina di ruum an tan op wid dem an se, “Piis!”

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Jan 14:27

“Mi a lef go we, bot mi a-go mek unu av piis iina unu aat — di kain-a piis we mi av iina fi mi aat. A no di sed kain-a piis yu get fram di worl. No mek unu aat bada unu, an no kech unu fried.

1 Tesaluoniyan 5:26

Wen unu kom kom worship, kis di breda an sista dem an tel dem oudi.

2 Korintiyan 13:12

Unu fi tel unu wan aneda oudi an du it wid lov. Aal a di breda an sista dem sen oudi fi unu.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.

Matyu 5:47

An ef unu onggl tel fu'unu piipl dem oudi, a wa unu wuda du so we nobadi els no du? Iihn? Dong tu di rang-duwa du dat tu, no chuu?

3 Jan 1:14

Mi suun kom luk fi yu, so wi kyan sidong an chat.