1 Piita 4:7 - Di Jamiekan Nyuu Testiment

⁷ Bot, di taim wen aal a dis a-go don suun kom. So klier unu ed an staat tingk chriet, get unu main redi fi akshan, kanchuol unuself an staat liv siiros. Du aal a dat so dat unu kyan prie.

1 Piita 4:7 ပူးပေါင်းရင်းမြစ်များ

1 Piita 1:13

So siek-a aal we Gad du, mek shuor se unu get unu main redi fi akshan. Kanchuol unuself an staat liv siiros. Kip unu main onggl pan di blesn dem we Gad a-go gi unu wen Krais Jiizas kom bak.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

2 Timoti 4:5

Bot yu si yu Timoti, yu afi kanchuol yuself iina evriting. Yu a-go fies nof chobl bot yu mos push chuu it an gwaan priich Gad wod. An kaaz yu a Gad sorvant yu mos du aal di wok we im gi yu fi du.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Iibruu 10:25

Mek wi gwaan miit tugeda an kip choch — no tap, laik we som piipl a du. Insted-a dat mek wi kom tugeda an taak so wi wan aneda aat kyan get chrangga; wos laka ou di Laad suun kom bak, mek wi du dem sitn de muo an muo nou.

Koloshan 4:2

No tap prie. Unu fi wach out an get unu main redi fi akshan an gi Gad tangks wen unu a prie.

Taitos 2:12

Di gud we im du fi wi, tiich wi ou fi ton we fram wikidnis an fi no lov di sitn dem we di worliyan dem waahn.

Ruoman 12:12

Wail unu wiet fi di sitn dem we Gad pramis fi gi unu, unu mos api kaaz unu nuo se unu a-go get it. Wen chobl tek unu, unu no fi gi op bot unu mos gwaan uol chrang an unu fi prie aal di taim, neva tap.

Filipiyan 4:5

Liv iina wan wie so dat evribadi kyan si se unu tek taim wid ada piipl. Di Laad suun kom bak.

Luuk 22:46

Jiizas aks dem, “Wa mek unu a sliip? Git op an prie man so unu no fies notn we wi kaaz unu fi sin.”

Revilieshan 16:15

“Luk, mi a-go kom laik wan tiif! Di wan dem we gwaan luk out an kip aan dem kluoz so dat dem na'afi go bout niekid an shiem se evribadi si dem niekid, a dem wel bles.”

1 Piita 3:7

A siem so di ozban dem fi liv gud wid dem waif an tingk bout dem siem laik ou Gad si dem. Unu nuo aredi se dem no chrang laka unu an dem kyaahn go du aal a wa unu kyan du. So andastan dat an rispek dem, kaaz di siem speshal laif we Gad so gud an kain fi gi unu, im gi dem tu. So mek shuor se unu chriit dem rait so unu kyan prie ou unu sopuoz fi prie.

Ifiijan 6:18

An evritaim unu a prie, mek di Uoli Spirit liid unu. An no mata wa, no tap aks Gad fi elp unu an aal a im piipl iina evriting. Nou dat unu nuo aal a dem sitn ya, wach out an kip unu yai dem waid uopm aal di taim.

1 Korintiyan 15:24

An di worl a-go don wen Jiizas gi Faada Gad im kindom. Bot Jiizas naa go gi Gad di kindom til im tek kanchuol uova aal a di wikid spirit dem an tek we dem powa so dat dem kyaahn du notn agen.

1 Korintiyan 7:29

Wa mi a chrai fi se breda an sista, a dat taim shaat — Krais Jiizas suun kom bak. So fram nou aan, aal a unu we av waif fi sorv Gad so til it komiin laik se unu no av no waif.

Matyu 24:42

“So mek shuor se unu eva a wach an a luk out, kaa unu no nuo a wich die unu Laad a-go kom bak.

Luuk 21:36

Aalwiez a wach, prie se unu wi kyan get we fram aal a wa a-go apm, an prie se unu kyan tan op infronta di Man we Gad Pik.”

Matyu 25:13

“So ier wa, mek shuor se unu eva redi an a luk out, kaa unu no nuo a wich die ar a wa taim di Man we Gad Pik a-go kom bak.

Iibruu 9:26

Ef a so, den Krais Jiizas wuda afi sofa uol iip a taim sins di worl mek. Bot nier di taim wen di worl a-go don nou, im gi op imself laik wan sakrifais, onggl wan taim, an dat kova evriting. Da wie de im kuda get rid a sin.