1 Piita 4:16 - Di Jamiekan Nyuu Testiment

¹⁶ Nuo, a no so it fi go. Bot ef unu sofa chuu unu a piipl we biliiv iina Jiizas — a no notn dat fi shiem bout. Insted-a dat, unu fi priez Gad kaaz a big ting dat wen piipl a kaal unu Krais Jiizas falara.

1 Piita 4:16 ပူးပေါင်းရင်းမြစ်များ

Aks 11:26

an wen im fain im, im kyari im baka Antiyak wid im. So fi wan uol ier Baanabas an Saal miit op wid di choch piipl an tiich kroud an kroud a piipl. An dong a Antiyak a di fos plies we di biliiva dem get di niem Kristiyan.

Aks 26:28

Agripa se tu Paal se, “So iina no taim yu a chrai ton mi iina sumadi we biliiv iina Jiizas?”

Aks 28:22

Bot wi wuda laik fi ier wa yu tingk, kaaz wi nuo se piipl evriwe taak gens da gruup ya we yu bilang tu.”

Aks 5:41

So di apasl dem lef di miitn wel api kaaz Gad did tingk dem gud inof fi mek dem sofa fi Jiizas Krais.

Filipiyan 1:20

So diip dong iina mi aat, mi riili chos se notn we mi du ar we mi se a-go mek mi shiem. Bot laik mi aalwiez du, an a du rait ya nou, mi eva a-go priich an no fried a notn, an mi eva a-go mek Krais Jiizas get nof rispek, weda mi ded ar alaiv.

Filipiyan 1:29

Kaaz Gad so gud tu unu, im gi unu di chaans, no onggl fi biliiv iina Jiizas Krais bot fi sofa fi im tu.

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.

Jiemz 2:7

No dem siem wan a chat aal saat a torbl sitn buot di Wan we wi bilang tu gud niem?

1 Piita 2:12

Unu mos liv gud an liv rait mongks di piipl dem we no biliiv iina Jiizas, so iivn duo rait ya nou dem a se aal kain-a bad sitn bout unu, an a se a bier wikidnis unu du, dem wi si se a gud sitn unu a du an priez Gad wen im kom baka ort kom big op uu fi get big op an ponish uu fi get ponish.

1 Piita 4:11

So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.

1 Piita 4:14

Ef piipl shiem unu, an se aal kain-a bad sitn tu unu kaa unu a fala Krais Jiizas — a bles unu bles. Kaaz a di powaful Spirit — Gad Spirit, kom tan wich paat unu de.

1 Piita 4:19

So wa mi riili a chrai se a dis: aal uu a sofa kaaz a dat Gad waahn fi dem, dem fi jos gwaan du wa rait. Da wie de, dem a gi Gad aal a dem laif an suol. Yes, a dat dem a gi Gad — di wan we mek dem. Di wan we naa go ton im bak pan dem. An di wan we kip wat-eva pramis im mek tu dem.